Dünya Bankının qlobal iqtisadi böyümə proqnozu

Dünya Bankı, 2018, 2019 və 2020-ci illərə dair qlobal iqtisadi artım proqnozlarını aşağı salıb.

Dünya Bankının qlobal iqtisadi böyümə proqnozu

 Dünya Bankının "Qlobal İqtisadi Perspektiv" hesabatında, 2018-ci ilin sonuna dair qlobal inkişaf proqnozu 3,1%-dən 3%-ə, 2019-cu il üçün 3%-dən 2,9%-ə endirilib. 

 Hesabatda, 2020-ci ilə dair qlobal iqtisadi artım proqnozunun 2,9%-dən 2,8%-ə salındığı, 2021-də isə qlobal artımın 2,8 faiz təşkil edəcəyinin gözlənildiyi qeyd edilib.
Beynəlxalq ticarət fəaliyyətinin səngidiyi, qlobal ticarət gərginliyinin artdığı və bəzi böyük inkişaf etmiş iqtisadiyyatların bazar təzyiqi ilə qarşı-qarşıya qaldığı bildirilən hesabatda, inkişaf etmiş iqtisadiyyatların 2018-ci ilin sonunda 2,2 faiz, 2019-da 2 faiz səviyyəsində inkişaf edəcəyinin gözlənildiyi bildirilib.
Hesabatda, ABŞ iqtisadiyyatının 2018-ci il üçün iqtisadi artım proqnozunun 2,7%-dən 2,9%-ə qaldırıldığı, 2019 üçün 2,5 faiz səviyyəsində sabit saxlandığı, 2020-ci il üçün 2%-dən 1,7%-ə salındığı qeyd edilib.
Hesabatda, xarici tələbdəki azalma, artan borc xərcləri və davam edən siyasi qeyri-müəyyənliklərin inkişaf etmiş iqtisadiyyatların artması üzərində təzyiq yaratmağa davam etməsinin gözlənildiyi vurğulanıb.
Dünya Bankının hesabatında, Avro Bölgəsi üzrə iqtisadi artım proqnozunun 2018-ci il üçün 2,1%-dən 1,9%-ə, 2019-a dair inkişaf proqnozunun 1,7%-dən 1,6%-ə salındığı qeyd olunub.

Avrozonanın 2020-ci ildə inkişaf proqnozunun 1,5 faizdə sabit saxlanıldığı hesabatda, regiondakı inkişafın 2021-ci ildə 1,3 faiz təşkil etməsinin gözlənildiyi qeyd edilib.

İnkişaf etməkdə olan iqtisadiyyatlara dair proqnozlar da endirilib
İnkişaf etməkdə olan iqtisadiyyatların 2018-ci ilin sonuna dair artım ehtimalı 4,5%-dən 4,2%-ə, 2019 üçün 4,7%-dən 4,2%-ə, 2020 üçün 4,7%-dən 4,5%-ə endirilib.

Dünya Bankının hesabatında, Çin iqtisadiyyatında 2018-ci ilin sonuna dair iqtisadi artım proqnozu 6,5 faiz ilə sabit saxlanılıb, 2019-cu ildə ölkə iqtisadiyyatında inkişafın yavaşlayacağının gözlənildiyi qeyd edilib.
Çində iqtisadi artım proqnozu bu il üçün 6,3%-dən 6,2%-ə endirilib. 2020-ci il üçün proqnozun 6,2 faizdə sabit saxlandığı bildirilən hesabatda, ölkədə 2021-ci ildə artımın 6 faiz səviyyəsində gözlənildiyi vurğulanıb.

 



Әlaqәli Xәbәrlәr