Rusiyaya qarşı sanksiyalar sərtləşdirilir

Avropa Komissiyasının sədri Ursula fon der Leyen, Avropa Şurasının prezidenti Çarlz Mişel və NATO-nun baş katibi Yens Stoltenberq ABŞ prezidenti Co Baydenin bəzi Qərb dövlətlərinin liderləri ilə keçirdiyi telekörpü toplantısında iştirak ediblər.

AB Komissiyasının sədri fon der Leyen sözmövzusu yığıncaqdan sonra sosial media hesabından paylaşdığı açıqlamasında: “Liderlər Ukraynanın yanında olmağa davam edəcəklər. Rusiyaya qarşı sanksiyalar daha da sərtləşdiriləcək. Ukraynaya maliyyə və təhlükəsizlik dəstəyimiz isə artıracaq”.

NATO-nun bəyanatına görə, Baydenın başçılıq etdiyi iclasda liderlər Rusiya prezidenti Vladimir Putinin müharibəni dərhal dayandırmalı olduğunu vurğuladılar və müharibə bitənə dək Moskvaya iqtisadi zərbələrin sərtləşdirilməsi mövzusunda razılığa gəliblər. Baş katib Stoltenberq açıqlamasında iclasda iştirakçılara NATO-nun çəkindirmə və müdafiəsini gücləndirmək üzrə gördüyü işlər barədə məlumat verdiyini sözlərinə əlavə edib.

Co Baydenin təşkil etdiyi toplantıda Aİ və NATO liderləri ilə yanaşı, Böyük Britaniyanın baş naziri Boris Conson, Kanadanın baş naziri Castin Trüdo, Fransa prezidenti Emmanuel Makron, Almaniyanın baş naziri Olaf Şolz, İtaliyanın baş naziri Mario Draqi, Polşa prezidenti Anjey Duda, Rumıniya Prezidenti Klaus İohannis və Yaponiyanın Baş naziri Fumio Kişida iştirak ediblər.