ABŞ Dövlət katibi  Avropa ölkələrinə İranla bağlı reaksiya göstərdi

ABŞ Dövlət katibi Mayk Pompeo (Mike Pompeo)  Nyu- Yorkda qatıldığı bir paneldə İran rəhbərliyinə sərt xəbərdarlıqlar etdi.

Pompeo İranın bölgəyə və dünyaya təhlükə yaratdığını, bəzi ölkələrin isə buna dəstək olduğunu dilə gətirdi.

Dövlət katibi bunları söylədi: "ABŞ İran nüvə müqaviləsinin tərəfdarı olan ölkələrin İrana tətbiq etdiyi sanksiyalardan yan keçərək, xüsusi bir ödəniş sistemi qurduqlarını bəyan etmələrindən son dərəcə narahatdır. Bu, regional və qlobal sülhə və təhlükəsizliyə qarşı atılan ən zərərli addımdır" 

Qeyd edək ki, Birləşmiş Millətlər Təşkilatının Baş Assambleyasının 73-cü sessiyası çərçivəsində Nyu- Yorkda İran nüvə razılaşmasının tərəfdarı olan ölkələr - Fransa, Almaniya, Rusiya, İngiltərə və İranın xarici işlər nazirləri bir araya gəliblər, görüşdən sonra bəyanat yayıblar.

Bəyanatda iştirakçıların İran ilə təbii qaz daxil olmaqla, ticarəti asanlaşdırmaq üçün xüsusi ödəniş kanallarını da ehtiva edən yeni bir mexanizmin yaradılması ilə bağlı razılıq əldə etdikləri bildirilir.

Bəyanatda bu mexanizmin İran ilə qanuni ticarət edən iqtisadi aktyorlara zəmanət verəcəyinə toxunulur, tərəflərin bu çərçivədə regional və beynəlxalq tərəfdaşlarla əməkdaşlığı davam etdirəcəyi qeyd edilir.