Sergey Lavrov Steffan de Mistura ilә görüşüb
Rusiyanın Xarici İşlər naziri Sergey Lavrov Rusiyada rəsmi səfərdə olan Birləşmiş Milletler Təşkilatının Suriya üzrə xüsusi elçisi Steffan de Mistura ilə görüşüb.
Bu barədə Rusiya Xarici İşlər Nazirliyindən verilən məlumatda bildirilib.
Məlumata görə, S. Lavrov və S. de Mistura martın 23-də İsveçrənin Cənəvrə şəhərində başlaması planlaşdırılan Suriya üzrə sülh danışıqlarının 5-ci turundan əvvəl son prosesləri qiymətləndiriblər.
Qeyd edək ki, Sergey Lavrov danışıqlardan əvvəl Steffan de Mistura ilə son prosesləri müzakirə etmələrinin vacib olduğunu qeyd edib.
Steffan de Mistura isə bölgədə irəliləyişin olduğunu qeyd edәrәk: ‘‘Siyasi baxımdan da irəliləyiş əldə olunmalıdır. Bu səbəblə son vəziyyəti qiymətləndirmək üçün Rusiyaya səfər etdim. Buradan da Ankaraya səfər edəcəm. Türkiyə bu mövzuda əhəmiyyətli tərəfdaşımızdır’’ deyib.
Qeyd edək ki, BMT-nin Suriya üzrə xüsusi elçisi bu gün Türkiyəyə səfər edəcək.
