Taliban “Əl-Qaidə” liderinin öldürüldüyü hücumu qınadı
ABŞ tərəfindən Əfqanıstanda keçirilən antiterror əməliyyatı nəticəsində “Əl-Qaidə” terror təşkilatının başçısı Ayman əl-Zəvahiri öldürülüb.
Əl-Zəvahiri Usamə bin Ladenin məhv edilməsindən sonra “Əl-Qaidə”yə rəhbərlik edirdi.
ABŞ Prezidenti Co Bayden Ayman əl-Zəvahirinin öldürülməsini təsdiqləyib:
“Ədalət bərqərar oldu və bu terrorçu lider artıq yoxdur. Nə qədər vaxt aparsa da, harada gizlənsəniz də, xalqımız üçün təhlükə olsanız, Birləşmiş Ştatlar sizi tapıb çıxaracaq”.
Qeyd edək ki, 71 yaşlı Ayman Əl-Zəvahiri ABŞ-da törədilən 11 sentyabr terror aktının təşkilatçısı olaraq bilinirdi. O, Usamə bin Ladenin məhv edilməsindən sonra “Əl-Qaidə”yə rəhbərlik edirdi.
Taliban sözçüsü Zəbihullah Mücahid isə ABŞ-ın paytaxt Kabildə “Əl-Qaidə”nin rəhbəri Ayman Zəvahirinin öldürüldüyü hücumu pisləyib.
Mücahid sosial media hesabından paylaşdığı açıqlamada hücum ilə ABŞ və Taliban arasında 2020-ci ildə xarici qüvvələrin Əfqanıstanı tərk etməsi ilə bağlı əldə edilmiş Doha razılaşmasının pozulduğuna diqqət çəkib.
Әlaqәli Xәbәrlәr
İraqdakı Kor-Mor təbii qaz yatağı hədəf alınıb, ölən və yaralananlar var
Hücumdan sonra Kor-Mor təbii qaz yatağında yanğın baş verib.
