İraqda yeni dəniz bazası qurulur

İraq Müdafiə Nazirliyi Bəsra vilayətində yeni bir dəniz bazası qurulduğunu açıqladı.

Nazirliyin açıqlamasına görə, müdafiə naziri Nəcah əş-Şammari tikinti işləri davam edən dəniz bazası Böyük Lav limanında tədqiqatlar aparmaq üçün yüksək səviyyəli səlahiyyətlilərin yer aldığı heyətlə Bəsraya getdi.

Bəsra Əməliyyatlar üzrə komandan general-leytenant ən-Nizal və Dəniz Donanmaları komandanı general-leytenant Əhməd Casım Maaric tərəfindən qarşılanan Şammari dəniz bazasının tikintisi və hazırlıq mərhələsinə dair məlumat alıb.

Açıqlamada Böyük Lav limanının ölkənin ən böyük dəniz hərbi bazası olacağı bildirilib.

Açıqlamada dəniz bazasının tikinti işlərinin nə zaman başladığına və tutumuna dair məlumat verilməyib.

Qeyd edək ki, İraq dənizə sahilinin olduğu tək vilayət Bəsra vasitəsilə Bəsra körfəzinə açılır.  

Rəsmi Bağdad ölkənin ən böyük gəlir qaynağı olan xam neftin əksəriyyətini Bəsra körfəzi üzərindən ixrac edir.