Qətər vətəndaşları Səudiyyə Ərəbistanında nəzarətə götürüldülər

Qətərdəki Milli İnsan Haqları Komitəsi Birləşmiş Millətlər Təşklatından Səudiyyə Ərəbistanı tərəfindən nəzarətə götürülən 4 vətəndaşının ən qısa müddətdə yerlərinin müəyyən edilməsi və azadlığa  buraxılmaları üçün səy göstərməsini tələb etdi.
 
 Komitə sədri Əli min Samih əl-Merri BMT insan haqları və terrorizmlə mübarizə üzrə xüsusi məruzəçisi Fionnuala Ni Aolain  ilə paytaxt Dohada görüşdü.
 
 Merri Səudiyyə Ərəbistanı tərəfindən 4 Qətər vətəndaşının bir müddət əvvəl özbaşına olaraq nəzarətə götürüldüyünü və onlardan bu ana qədər bir xəbər alınmadığını bildirdi.
 
 Merri BMT-dən sözügedən qətərlilərin ən qısa müddətdə yerlərinin müəyyən edilməsi və sərbəst buraxılmaları üçün səy göstərilməsini tələb etdi.