Ərbildə valiliyin binasına silahlı hücum nəticəsində bir nəfər həlak oldu

İraq Kürd Regional Rəhbərliyində olan Ərbil Valililiyinin binasına 3 naməlum şəxsin silahla hücumu nəticəsində bir nəfər həlak olub. 

Açılan atəş nəticəsində valiliyin binasını qoruyan üç polis əməkdaşı isə yaralanıb.

Təhlükəsizlik qüvvələrinin müdaxiləsi nəticəsində silahlı şəxslər zərərsizləşdirilib.

Hücumun terror təşkilatı DEAŞ tərəfindən planlaşdırıldığı güman edilir. 

Qeyd edək ki, Ərbil Valiliyinə 2014-cü ilin 19 noyabr tarixində də DEAŞ tərəfindən bomba yerləşdirilmiş maşınla hücum edilməsi nəticəsində 5 nəfər həyatını itirmişdi.