اسرائیل غزه نی یوزلب مراتبه بمباران قیلدی

اوشبو مطلب اسرائیل اردوسی تامانیدن ترقه تیلگن بیر راپورده بیلدیریلدی

اسرائیل غزه نی یوزلب مراتبه بمباران قیلدی

اسرائیل اردوسی, 2018 – ییلده محاصره آستیده گی غزه نواری گه قره ته 865 مراتبه هوائی هجوم اویوشتیردی. 

اسرائیل اردوسی تامانیدن ترقه تیلگن راپورده, اسرائیل هوایی کوچ لری نینگ غزه نواری گه قره ته 865 مراتبه هوایی هجوم اویوشتیرگن لیگی بیلدیریلدی. 

راپورده, غزه نواریدن هم اسرائیل چیگره سی گه بیر مینگ راکت آتیلگن لیگی, 250 راکت نینگ اسرائیل هوایی مدافعه تیزیمی تامانیدن یوق قیلینگن لیگی و 45 راکت نینگ ایسه مسکونی نقطه لرگه اصابت قیلگن لیگی ادعا قیلیندی. 

بوندن تشقری, غزه نواریدن اسرائیل توپراق لریگه اوتیش اوچون قازیلگن 15 تونل نینگ یوق قیلینگن لیگی هم ادعا قیلیندی اوشبو راپورده. 

اشغال آستیده گی غربی نوار بیلن غزه نواریدن, اسرائیل گه قره ته اویوشتیریلگن هجوم لر عاقبتیده 2018 – ییلده 7 عسکر و 9 عادی اهالی نینگ (یهودی ناقل) هلاک بولگن لیگی و 199 کیشی نینگ ایسه یره لنگن لیگی بیلدیریلدی. 

2018 – ییل مارچ آیی نینگ 30 نچی کونیدن بیری دوام ایتیب کیلیاتگن ناراضی چیلیک نمایشلریده اسرائیل عسکر لری نینگ اوق اوزیشی عاقبتیده 250 دن آرتیق فلسطین لیک شهید بولدی. 

خوددی شوو کون لرنینگ اوزیده اسرائیل نینگ غزه گه قره ته اویوشتیرگن هوایی و توپچی هجومی عاقبتیده هم کمیده 14 نفر فلسطین لیک جان بیردی.



علاقه لی ینگی لیکلر