ایردوغان منبج موضوعسی بوییچه بیانات بیردی

ترورچیلرنی او جایدن چیقریشنی مقصد قیلیب آلگن میز

ایردوغان منبج موضوعسی بوییچه بیانات بیردی

تورکیه جمهور باشلیغی رجب طیب ایردوغان بشارالاسد کوچلری نینگ منبج منطقه سیده گی موجودیتی نینگ انیقلنمه گن لیگینی بیلدیردی.

ایردوغان استانبولده ژورنالیستلرگه بیانات بیردی.

بولووچی ترور تشکیلاتی YPG/PKK نینگ اشغال قیلیب آلگن منبج گه بشارالاسد کوچلرینی دعوت ایتگن دیگن خبرلرنی بهالندیردی.

منبجده گی اوزگریشلر بیلن تیگیشلی اوله راق سوریه رژیمی نینگ روانی بیر حرکت ایچیده ایکنیدن خبرلری بولگنینی ایتگن ایردوغان جنابلری؛

"استخبارات بیلن گپیردیک، انیقلشگن بیر نرسه یوق" دیب گپیردی.

مقصدلری نینگ منبجده  YPG/PKK گه ضربه اوروش ایکنینی معلوم قیلگن ایردوغان، بو توغریده قاطع ایکن لیکلرینی افاده ایتدی.

ایردوغان؛

"ایرته لب هیئتیم (روسیه نینگ پایتختی) مسکوگه باره دی. تشقی ایشلر وزیری (مولود چاووش اوغلی) باشقروویده مدافعه وزیریم (خلوصی آقر) ملی استخبارات تشکیلاتی باشلیغی (خاقان فیدان) و عین دمده خاص نمایندم و بویوک ایلچیم تورت کیشی لیک بیر گروپ بیلن اوجایگه باره دیلر و بو موضوعلرنی کینگ کولملی قولگه آله دیلر" دیدی.

"روسیه دولت باشلیغی حرمتی ویلادیمیر پوتین بیلن هم تیلفون آرقه لی صحبت همده مسکو ویا سوچی گه سفریم بولیشی ممکن" دیب گپیردی.

جمهور باشلیغی ایردوغان؛

"بیز بولرنی (سوریه موضوعسینی) جدی شکلده قولگه آلیشیمیز کیره ک" دیدی.

سوریه نینگ پارچه لنیشی گه مخالف ایکن لیکلرینی تیلگه آلگن ایردوغان

"آماجیمیز اوجایده گی ترور تشکیلاتلری نینگ چیقیشی دیر. ترورچیلر چیققن تقدیرده او جایده بیزگه هم بیر ایش قالمه یدی" دیب افاده ایتدی.  



علاقه لی ینگی لیکلر