سعودی اداره چی دونالد ترامپ نینگ ادعالرینی رد ایتیب قبول قیلمه دی

سعودی اداره چی سوریه نینگ قیته دن قوریلیشی اوچون امریکا قوشمه ایالتلری نینگ اورنیده پول تولشنی وعده قیلمه گن لیکلرینی بیلدیردی.

سعودی اداره چی دونالد ترامپ نینگ ادعالرینی رد ایتیب قبول قیلمه دی

سعودی عربستان، سوریه نینگ قیته دن قوریلیشی اوچون فند یراتیلیشی توغریسیده اگست آییدن کیین ینگی بیر وعده بیرمه گنینی بیلدیردی.

امریکا قوشمه ایالتلری دولت باشلیغی دونالد ترامپ سوریه نینگ قیته دن قوریلیشی اوچون احتیاج بولگن پولنی اوزلری نینگ اورنیده سعودی عربستان تووله یدی دیب ایتیشی نینگ آرتیدن سعودی عربستان نینگ واشنگتن بویوک ایلچی لیک مسؤلی، بو توغریده هیچ بیر وعده قیلمه گن لیکلرینی ایتدی.

امریکانینگ CNBC کانالی گه بیانات بیرگن سعودی اداره چی، مملکتی نینگ اگست آییدن بیری "سوریه نینگ قیته دن قوریلیشی اوچون فند یراتیلیشی توغریسیده هیچ بیر وعده قیلمه گنینی بیان ایتدی.

امریکا قوشمه ایالتلری ملی خوفسیزلیک کینگشی سوزچیسی گاریت مارکوئیس هم، ترامپ نینگ مذکور پیامیده سعودی عربستاندن بیر سوز آلینگن لیگینی ایتمه گنینی معلوم قیلدی.

مارکوئیس بیرگن بیاناتیده،

"امریکا قوشمه ایالتلری سوریه ده داعش گه قرشی ایجاد ایتیلگن ائتلاف اعضالری نینگ قوشگن حصه لرینی ممنونیت بیلن استقبال قیلماقده. بونگه سعودی عربستان تامانیدن اوتمیشده عملگه آشیریلگن کوچلی همکارلیک هم بار. داعشنی دائیمی اوله راق برطرف ایتیش اوچون بو گروه نینگ قولیدن تمیزلنگن ساحه لرده تینچ لیک و بردملیک اورنه تیش توغریسیده فعالیت قیلماقده میز و بو فعالیتلرنینگ یوکینی بیرگه لیکده تشیش اوچون متفق و شریکلریمیز بیلن یقین همکارلیک ایچیده بوله میز" دیدی.

ترامپ جمهور باشلیغی رجب طیب ایردوغان بیلن اوتگن هفته آلیب بارگن تیلفونی صحبتیدن بیر نیچه کون کیین امریکا قوشمه ایالتلری حربی کوچلری نینگ سوریه نی ترک ایتیب چیقیشیدن خبر بیرگن ایدی.

ترامپ دوشنبه کونی اوز تویتر ادرسی آرقه لی،

"سعودی عربستان، امریکا قوشمه ایالتلری نینگ اورنیده سوریه نینگ قیته دن قوریلیشی گه یاردم بیریش اوچون پول خرجت قیلیشنی قبول قیلدی. کوردینگیز می؟ 5 مینگ میل اوزاقده گی امریکا قوشمه ایالتلری نینگ اورنیده جوده بای مملکتلرنینگ قوشنی لری نینگ قیته دن قوریلیشی گه همکارلیک قیلیشی یخشی ایمس می؟ رحمت ایته من سعودی عربستانگه!" دیب پیام یازگن ایدی.

ترامپ نینگ سوریه نی ترک ایتیب چیقیش قراریگه مملکتیده ناراضی لیکلر بیلدیریلگن ایدی. مدافعه وزیری جمیس ماتیس و داعش گه قرشی کوره ش خاص نماینده سی برت مک گورک وظیفه لریدن استفاء قیلگن ایدیلر.  



علاقه لی ینگی لیکلر