انگلستان اسرائیل نی تنقید قیلدی

انگلستان اسرائیل نی قانون بوزرلیک قیلمسککه چقیردی

انگلستان اسرائیل نی تنقید قیلدی

انگلستان, اسرائیل نینگ غربی نوارده ناقانونی روشده یهودی مسکونی نقطه لرنی کینگیتیریش گه قرار قیلگن لیگی نینگ قبول قیلینیشی نینگ ممکن ایمس لیگی نی بیلدیردی. 

انگلستان نینگ اورته شرق بوییچه دولت وزیری الیستیر بورت, بیرگن تحریری بیاناتیده, "اسرائیل حکومتی نینگ جاری هفته ده غربی نوارده گی مسکونی نقطه لرنی کینگیتیریش گه قرار قیلگن لیگی نی اعلان قیلگن لیگی جوده هم یمان بیر سیاست دن عبارت بولیب بونده ی بیر وضعیت نی قبول قیلیش ممکن ایمس" دییه قید ایتدی. 

اسرائیل نی اوشبو ناقانونی مسکونی نقطه لرنی قوریش فعالیت لری نی توخته تیش گه چقیرگن بورت, اوز سوز لری نی, "بونده ی فعالیت لر خلق ارا حقوققه اویغون ایمس و اسرائیل نینگ کیله جکده فلسطین لیک لر بیلن تینچ لیک کیلیشووی بوییچه سیاست لری گه منفی تاثیر قالدیره دی" شکلیده دوام ایتتیردی. 

اسرائیل نینگ غربی نوارده ناقانونی روشده 14 یهودی مسکونی نقطه قوریش نی ریجه لیاتگن لیگی بیلدیریلماقده. 

1967 – ییلیده اسرائیل تامانیدن اشغال قیلینگن غربی نوارده, ناقانونی روشده قوریلگن تقریباً 250 یهودی مسکونی نقطه موجود.  اوشبو نقطه لرده یشیاتگن 400 مینگ دن آرتیق یهودی ناقل, غربی نوارده اشغال آستیده یشیاتگن فلسطین لیک لر اوچون جدی قیین چیلیک لر یره تماقده.

اشغال آستیده گی شرقی بیت المقدسده ایسه 18 ناقانونی یهودی مسکونی نقطه ده 220 مینگ ناقل یهودی یشه ماقده. 



علاقه لی ینگی لیکلر