دونالد ترامپ کوتیلمه گن بیر شکلده عراققه سفر قیلیب باردی
کوتیلمه گن بیر شکلده ترامپ و تورموشی عراقده گی عسکرلر بیلن کریسمسنی نشانله دیلر
امریکا قوشمه ایالتلری دولت باشلیغی دونالد ترامپ تورموشی بیلن کوتیلمه گن بیر شکلده عراققه باردی. بو جایده امریکالیک عسکرلر بیلن کریسمس نی نشانله دی.
آق اویدن بیریلگن بیاناتده، امریکا قوشمه ایالتلری دولت باشلیغی و تورموشی نینگ عراقده وظیفه آلیب باره یاتگن امریکالیک عسکرلر بیلن بیرگه لیکده کریسمس نی نشانله گن لیگی بیلدیریلدی.
آق اوی سوزچیسی ساره سندرس، اجتماعی میدیا ترماغی آرقه لی بیرگن بیاناتده، دونالد ترامپ نینگ تورموشی ملانیئا بیلن بیرگه لیکده کریسمس کیچه سی خذمت و موفقیتلری باعث امریکالیک عسکرلرگه منتدارچیلیک بیلدیرگن لیگینی قید ایتدی. عین دمده کریسمس بیره مینی نشانلش اوچون عراققه سفر قیلیب بارگنینی ایتدی.
مملکت نینگ غربیده جایلشگن انبار ولایتیده گی عین الاسد عسکری مرکز و قونلغه گه بارگن ترامپ، بوجایده قیلگن اوز صحبتیده؛
"عراقدن چیقیش توغریسیده هیچ قنده ی پلان یوق. اگر سوریه ده بیر نرسه لر قیلماقچی بولسک عراقنی مرکز اوله راق استفاده قیلیشیمیز ممکن" دیب ایتدی.
ترامپ، سوریه دن چیقیش اوچون اضافه مدت خواهلنگن لیگینی لیکن قبول قیلمه گن لیگینی معلوم قیلیب،
"داعشنی برطرف قیلماقچی بولگن جمهور باشلیغی ایردوغان بیلن جوده یخشی صحبتلر آلیب باردیم. او و باشقه لری بونی بجره دی. امریکا قوشمه ایالتلری دنیاگه پولیس لیک قیلیش گه دوام ایتالمه یدی. ایردوغان داعش دن ارقه گه نیمه قالگن بولسه تمیزله ماقچی" دیب بیان ایتدی.
ترامپ؛ "سعودی عربستان هم کیلدی و بونی اقتصادی اوله راق مالیتینی تولشلرینی ایتدی" دیب گپیردی.
باشقه تاماندن عراق باش وزیری عادل عبدالمهدی نینگ مملکتی گه کوتیلمه گن سفر اویوشتیرگن امریکا قوشمه ایالتلری دولت باشلیغی دونالد ترامپ بیلن تیلفون آرقه لی صحبت عملگه آشیرگن لیگی بیلدیریلدی.
عراق باش وزیرلیک دفتریدن بیریلگن یازمه بیاناتده، ترامپ و عبدالمهدی نینگ تیلفونی صحبتیده ترامپ نینگ سوریه دن چیقیش قراری نینگ آرتیدن منطقه ده گی اوزگریشلر، داعش گه قرشی کوره ش بوییچه همکارلیک آرقه لی منطقه مملکتلری و خلقلری اوچون امنیت و بردملیک نینگ اورنه تیلیشینی قولگه آلگن لیکلری معلوم قیلیندی.
ترامپ، 3 یریم ساعت لیک سفری نینگ آرتیدن عراقدن قیتیب کیتدی.
امریکا قوشمه ایالتلری دولت باشلیغی دونالد ترامپ، عراققه قیلگن کوتیلمه گن سفریده هیچ بیر عراقلیک اداره چی بیلن یوزمه یوز اوچره شمه دی.
