عراق نینگ صلاح الدین ولایتیده خودکش هجومی اویوشتیریلدی

اونلب کیشی اولیب یره لندی

عراق نینگ صلاح الدین ولایتیده خودکش هجومی اویوشتیریلدی

عراق نینگ صلاح الدین ولایتیده بیر رستورانتده اویوشتیریلگن هجومده 5 کیشی اولیب 32 کیشی یره لندی.

خوفسیزلیک کنبع لریدن آلینگن معلوماتگه کوره، صلاح الدین شهر مرکزی تکریت نینگ شمالیده جایلشگن حجاج تومنیده گی بیر رستورانت گه بمب اورنه تیلگن موتر آرقه لی هجوم اویوشتیریلگن.

عراق ساغلیقنی سقلش وزیرلیگی سوزچیسی سیف البدر، بیرگن یازمه بیاناتیده، هجومده 5 کیشی اولیب 32 کیشی یره لنگینی بیلدیردی.

خوفسیزلیک کوچلریگه کوره "اولیم اوچ یولی" دیب اتلگن کرکوک-صلاح الدین – دیالی اورته سیده گی منطقه لرده وقتی – وقتی اینیقسه تینچ اهالی گه قره ته هجوملر اویوشتیریلماقده دیر.

عراق اردوسی، جون 2014 ده ترور تشکیلاتی داعش نینگ کنترولی گه اوتگن صلاح الدین ولایتی نینگ همه جایینی 2015 – ییلی نینگ آخری گچه قیته ریب آلگن ایدی.



علاقه لی ینگی لیکلر