اسرائیل غزه نواریگه قره ته هجوم اویوشتیردی

اوشبو حادثه عاقبتیده 2 فلسطین لیک شهید بولدی

اسرائیل غزه نواریگه قره ته هجوم اویوشتیردی

اسرائیل نینگ محاصره سی آستیده گی غزه نواری چیگره سیده حماس نینگ قوراللی قسمیدن عبارت عزالدین القسام غند لری گه عاید بیر نقطه گه قره ته هجوم اویوشتیریشی عاقبتیده ایککی فلسطین لیک شهید بولدی. 

غزه ده گی ساغلیق نی سقلش وزیرلیگی تامانیدن بیریلگن بیاناتده, اسرائیل اردوسی گه عاید بیر تانک نینگ غزه نینگ شمالی گه قره ته اویوشتیرگن هجومی عاقبتیده ایککی فلسطین لیک نینگ شهید بولگن لیگی نی معلوم قیلدی. 

اسرائیل اردوسی تامانیدن بیریلگن بیاناتده, چیگره ده گی اسرائیل عسکر لری گه قره ته غزه تامانیدن اوق اوزیلگن لیگی ادعا قیلیندی. 

اوشبو حادثه آرتیدن اسرائیل اردوسی تانکی نینگ غزه نینگ شمالیده گی القسام غند لرینی اورگن لیگی بیلدیریلدی. 

اسرائیل نینگ, حماس بیلن بیر کیلیشوو نینگ بحث موضوعی بولیاتگن بونده ی بیر شرایطده هجوم اویوشتیرگن لیگی دقت گه سزاوار بیر ینگی لیک دن عبارت بولدی. 

بیرلشگن ملت لر تشکیلاتی و مصر واسطه چیلیگیده حماس بیلن اسرائیل اورته سیده قالووچی بیر کیلیشوو نینگ تامین ایتیلیشی اوچون واسطه لی مذاکره لر نینگ باشله گن لیگی بیلدیریلماقده. 

غزه ده یشیاتگن قریب 2 میلیون فلسطین لیک, اسرائیل نینگ میلادی 2006 نچی ییلیدن بیری دوام ایتیب کیلیاتگن حمله لری و محاصره سی سببلی کتته قیین چیلیک لر گه دوچ کیلیب قالگن وضعیتده. 



علاقه لی ینگی لیکلر