داعش اونلَب قشلاقنی یوق قیلیب قویدی

حاضرگی کونده اوشبو قشلاق یشاوچی لری باشقه جای لرده مهاجر بولیب حیات کیچیرماقده

داعش اونلَب قشلاقنی یوق قیلیب قویدی

عراق نینگ کرکوک شهری نینگ جنوبیده, ترور تشکیلاتی داعش, میلادی 2014 نچی ییلیدن بیری 116 قشلاق نی ییر بیلن یکسان قیلدی. 

کرکوک والیسی راکان سید, "داعش, کرکوکده میلادی 2014 نچی و 2017 نچی ییل لری آره سیده 116 قشلاق نی یوق قیلیب قویدی" دییه قید ایتدی. 

قشلاق یشاوچی سی مینگلب کیشی نینگ حاضرگی کونده هم کرکوک شهری گه یقین بیر جایده قوریلگن کمپ لرده یشیاتگن لیک لری نی بیلدیرگن سید, عراقده, داعش نینگ اینگ کوپ اوچ ییل لیق بیر مدت بیلن کنترول ایتگن کرکوک نینگ جنوبیده اورین آلگن منطقه گه ضرر بیرگن لیگی نی معلوم قیلدی. 

اونلب قشلاق نینگ برق, سوو, کانالیزاسیون, تعلیم و تربیه و ساغلیق سنگری خدمت لر دن محروم ایکن لیگی نی معلوم قیلگن سید, "زیربنا سی بوتونلی تخریب بولگن قشلاق لرنینگ قیته قوریش ایش لری نینگ تکمیل بولمسدن اوشبو قشلاق یشاوچی لری نینگ قیتیب باریش لری ممکن ایمس. قیته قوریش ایش لری اوچون ایسه دولت نینگ همکارلیک قیلیشی ضروری" دییه قید ایتدی. 



علاقه لی ینگی لیکلر