سعودی عربستان بیت المقدس ییغیلیشی گه اشتراک ایتمه دی

اوشبو اولکه آلدین هم بیت المقدس بیلن علاقه لی خبر لرنینگ تلویزیون آرقه لی ترقه تیلمسلیگی نی طلب ایتگن ایدی

سعودی عربستان بیت المقدس ییغیلیشی گه اشتراک ایتمه دی

ترکیه نینگ استانبول شهریده بولیب اوته دیگن بیت المقدس بیلن علاقه لی ییغیلیش گه حتی روسیه نینگ نماینده لری اشتراک ایترایکن, سعودی عربستان اوشبو ییغیلیش گه اشتراک ایتمیدیگن لیگی نی بیلدیردی. 

امریکا قوشمه ایالت لری دولت رهبری دونالد ترامپ نینگ بیت المقدس نی اسرائیل پایتختی اوله راق اعلان ایتیشی آرتیدن ترکیه جمهوریتی جمهوررئیسی رجب طیب اردوغان اوشبو معما نینگ ییچیلیشی اوچون تشبث قیله باشله دی.

اوشبو دایره ده, جمهوررئیسی اردوغان اسلام همکارلیک تشکیلاتی رهبر لر ییغیلیشی نینگ استانبول شهریده بولیب اوتیشی نی طلب ایتگن ایدی. 

جمهوررئیسی اردوغان نینگ اوشبو دعوتی گه بناً حتی روسیه نینگ نماینده سی مذکور جلسه گه اشتراک ایتیش اوچون استانبولگه کیلرایکن, سعودی عربستان ایسه خودی منه شوو ییغیلیش گه اشتراک ایتمیدیگن لیگی نی بیلدیردی. 

اوشبو ییغیلیش گه اشتراک ایتیش اوچون قطر امیری شیخ تمیم بن حمد آل ثانی, آذربایجان جمهوررئیسی الهام علی یف, ایران جمهوررئیسی حسن روحانی, شمالی قبرس ترک جمهوریتی جمهوررئیسی مصطفی آقینچی و فلسطین دولت رهبری محمود عباس استانبول گه تشریف بویوردی. 



علاقه لی ینگی لیکلر