فرانسه جمهوررئیسی ترامپ نی تنقید ایتدی

امانوئل مکرون, اسرائیل باش وزیری نینگ فرانسه گه قیلگن سفری جریانیده ترامپ نی تنقید قیلدی

فرانسه جمهوررئیسی ترامپ نی تنقید ایتدی

فرانسه جمهوررئیسی امانوئل مکرون, اسرائیل باش وزیری بونیامین ناتانیاهو نینگ فرانسه گه قیلگن سفری جریانیده بیرگن بیانات لریده, امریکا قوشمه ایالت لری دولت رهبری دونالد ترامپ نی تنقید ایتدی. 

مکرون, ترامپ نینگ بیت المقدس نینگ اسرائیل پایتختی اوله راق قبول قیلگن لیگی گه تیگیشلی قراری نینگ خلق ارا حقوق گه ضد ایکن لیگی نی بیلدیردی. 

مکرون اوشبو مطلب نی ناتانیاهو بیلن ترتیب له گن مشترک مطبوعاتی کنفرانسی جریانیده بیلدیردی. 

فرانسه نینگ اورته شرقده تینچ لیک نینگ اورنه تیلیشی گه کتته اهمیت بیریتگن لیگی نی بیلدیرگن مکرون, "ترامپ نینگ بیت المقدس بیلن علاقه لی قراری نی قبول قیلمَیمن. لیکن تقبیح قیلیش مینینگ ایشیم ایمس" دییه قید ایتدی. 

مکرون, تروریزم گه قرشی کوره ش بوییچه اسرائیل بیلن همکارلیک قیله دیگن لیک لری نی بیلدیررایکن, ناتانیاهو گه قره ب, "فلسطین لیک لر گه فرصت بیریشینگ کیره ک" دیدی. 

عینی دمده مکرون, یهودی تورر جای لرنینگ قوریلیشی نینگ توخته تیلیشی و فلسطین لیک مسئوللر نینگ اعتمادی نی کسب ایتیش اوچون کیره ک لی تدبیر لرنینگ آلینیشی کیره ک ایکن لیگی خصوصیده ناتانیاهو بیلن صحبت ایتگن لیک لری نی معلوم قیلدی. 

مکرون, ناتانیاهو گه ترامپ نینگ بیت المقدس بیلن علاقه لی قراری نینگ ناتوغری بیر سیاست دن عبارت ایکن لیگی و خودی منه شوو قرار نینگ منطقه ده تینچ لیک نینگ تامین ایتیلیشی پروسه سی گه منفی تاثیر قالدیره دیگن لیگی نی معلوم قیلگن لیگی نی بیلدیردی. 

ناتانیاهو ایسه, "بیت المقدس اسرائیل نینگ پایتختی. باشقه هیچ بیر اولکه نینگ پایتختی بولمه گن. فلسطین لیک لرنینگ اوشبو واقعیت نی قبول قیلیشی تقدیرده گینه منطقه ده تینچ لیک نینگ تامین ایتیلیشی ممکن" شکلیده ادعا ایتدی. 



علاقه لی ینگی لیکلر