روسیه ده گی مهم جلسه بولیب اوتدی

جلسه نینگ آرتیدن اوچ رهبر مطبوعاتی کنفرانس اویوشتیردیلر

روسیه ده گی مهم جلسه بولیب اوتدی

جمهور رئیس رجب طیب ایردوغان و ایرانلیک تینگداشی حسن روحانی، روسیه دولت باشلیغی ولادیمیر پوتین نینگ میزبانلیگیده، 6 ییلدن کوپراق بیر مدتدن بیری اوروش یوز بیریب تورگن سوریه نینگ عاقبتی بیلن علاقه لی ملاقات اوتکزدیلر.

جلسه نینگ آرتیدن مطبوعاتی کنفرانسیده اولاً ولادیمیر پوتین گپیریب، سوریه ملی ملاقات کنگره سی (لویه جرگه) نینگ اویوشتیریلیشی اوچون کیلیشگنلیکلرینی ایتدی.

پوتین، سوریه لیکلر عاقبت لری توغریسیده اوز لری نینگ تصمیم آلیشلری کیره ک دیب، سوریه نینگ اقتصادی و اجتماعی اوله راق قیته دن قوریش اوچون هم فکر المه شووی بولیب اوتگنینی بیلدیردی.

روس رهبر بو جلسه نینگ سوریه نینگ تمامیت ارضینی محافظه قیلیشی گه اولیملی تاثیر قالدیریشینی معلوم قیلیب، تورکیه و ایران نینگ همکارلیگی بیلن آستانه جریانی نینگ سوریه نینگ پارچه لنیشی گه مانع بولیب، سیاسی ییچیم مرحله سیگه آلیب بارگنینی بیان ایتدی.

پوتین نینگ آرتیدن ایران رهبری حسن روحانی صحبت قیلدی.

روحانی، "اوچ اولکه نینگ هم سوریه نینگ تمامیت ارضی، مستقل لیگی و بیردم لیگی توغریسیده همفکر ایکنینی معلوم قیلیب، سوریه ده تینچ لیک و استقرارنینگ تأمین ایتیلیشی اوچون یخشی بیر همجهت لیک ایچیده ایکنلیکلرینی کوریب خرسند بولگنینی " افاده ایتدی.

روحانی، "سوریه ده گی ملی ملاقات کنگره سی (لویه جرگه) گه اولکه ده گی بوتون تامانلرنینگ اشتراک ایتیشی کیره ک لیگینی معلوم قیلیب، بو کنگره سوریه ده ینگی بیر اساسی قانون توزیلیشی اوچون زمینه یراته دی" دیب گپیردی.

مطبوعاتی کنفرانسده اوچونچی کیشی بولیب سوز یوروتگن جمهور رئیس ایردوغان ایسه، تورکیه نینگ قیزیل خط لرینی اورغوله دی.

"بولووچی ترور تشکیلاتی PKK/PYD نی قصد ایتیب گپیرگن ایردوغان، سوریه نی پارچه له ماقچی بولگن بیر گروپ نینگ سیاسی ییچیم گه حصه قوشیشی توشینیلگن بیر صحنه ده تورکیه نینگ جای آلمس لیگینی اورغوله دی.  

ایردوغان؛

تروریست عنصرلرنینگ بو جریانده تشقری چیقریلیشی بیزنینگ اولویتیمیزده بولگن حادثه دیر، دیب ایتدی.

سوریه ده آتش کیس و بحراننی کمه یتیریش منطقه لری توغریسیده آستانه جریانیده آتیلگن آدیملرنینگ یخشی نتیه لری کوریلگنینی معلوم قیلیب، دائمی ییچیم اوچون ژنو جریانینی اشاره قیلدی.

بو جلسه ده نینگ موفقیتی نینگ سوریه ده گی حکومت و ایریم گروه لرگه ارتباطی بولگنینی ایسلتیب، اوچ رهبر اوله راق سوریه نینگ ملی بیردم لیگی و تمامیت ارضی گه صادق قالیشلری نینگ تاکیید قیلگنلرینی بیلدیردی.

ایردوغان، تورکیه نینگ ملی خوفسیزلیگینی بوزماقچی بولگن ترور تشکیلاتلری بیلن بیر میزنینگ اطرافیگه اورین آلمس لیکلرینی تاکییدلب، هیچ کیم نینگ بونینگ عکسینی طلب قیلالمس لیگینی بیلدیردی.

جمهور رئیس ایردوغان؛

"سوریه نینگ تمامیت ارضی گه صادق قالیشیمیزنی ایتگن حالده، خونخوار بیر گروه نی مشروع بیر اکتور دیب کورالمه یمیز." دیب ایتدی.  



علاقه لی ینگی لیکلر