اردوغان عراق نینگ شمالیده گی محللی رهبریت گه قتتیق هشدار بیردی

جمهوررئیسی اردوغان, عراق نینگ شمالیده بولیب اوتگن سوزده (به اصطلاح) رفراندوم نی قبول قیلیش لری نینگ ممکن ایمس لیگی نی بیلدیردی

اردوغان عراق نینگ شمالیده گی محللی رهبریت گه قتتیق هشدار بیردی

ترکیه جمهوریتی جمهوررئیسی رجب طیب اردوغان, ترکیه نینگ هشدار لری گه قره مسدن سوزده (به اصطلاح) مستقل لیک رفراندومی اوتکزگن عراق نینگ شمالیده گی محللی رهبریت نینگ بو قیلگن ایشی نینگ ضرر لری نی کوره دیگن لیگی نی بیلدیردی. 

اردوغان, ایریم کوچ لرنینگ عراق و سوریه نی بولیش اوچون برچه سعی و حرکت لر نی قیلیتگن لیگی نی بیلدیررایکن, "مستقل لیک باشقه, بیگانه کوچلرنینگ اوینچاغی گه ایله نیش باشقه بیر نرسه" دییه قید ایتدی. 

منطقه ده جدی بیر اوین نینگ بحث موضوعی ایکن لیگی نی معلوم قیلگن اردوغان, اوز سوز لری نی, "عراق نینگ شمالیده مستقل بیر دولت قوریلمَیدی.  عکسینچه بعضی تمان لر طرفیدن دواملی روشده قان توکیلیشی اوچون زمینه یره تیلماقده" شکلیده دوام ایتدی. 

اردوغان, عراق نینگ شمالیده گی محللی رهبریت نینگ اوزباشیمچه بیر شکلده مطرح قیلگن نقشه ده گی کوپلب جای لرده عرب لر یاکه ترکمن لر نینگ اکثریت نی تشکیل ایتگن لیگی نی معلوم قیلدی. 

جمهوررئیسی اردوغان, "قوشنی لری میزدن عبارت ایران, عراق نینگ مرکزی رهبریتی و سوریه بیلن ارتباط ده میز.  خودی منه شوو ییر ده گی منفی ینگی لیک لر توغری سیده تیارایکن لیگی میز نی بیلدیردیک.  عراق نینگ شمالیده نفوس اداره لری نی یاقیب اوز لری گه تابع بولمه گن کیشی لر گه باسیم قیلیب اولر نی کوچ قیلیش گه مجبور ایتیش بیلن تامین ایتیلگن بیر شرایط ده بولیب اوتگن بیر رفراندوم نی بیز نینگ قبول قیلیشی میز هیچ بیر شکلده ممکن ایمس" دییه قید ایتدی. 



علاقه لی ینگی لیکلر