عراق ده 550 کیشی نینگ جسدی تاپیلدی

عراق نینگ تیکریت قصبه سیده بیر جایده کومیلگن 550 کیشی نینگ جسدی تاپیلدی

عراق ده 550 کیشی نینگ جسدی تاپیلدی

تخمینلرگه کوره‌، اولر 2014 ییلده ترور تشکیلاتی داعش تامانیدن قتل ایتیلگن.

مسؤللر حدودده ینه‌ کوپلب جسد تاپیلیشی ممکنلیگینی ایتماقده.

معلوم که، 2014 ییلی داعش صلاح الدین ولایتیگه قره ‌شلی تیکریت قصبه ‌سیده قتل عام قیلگن ایدی.

دیمک، قیریب تشلنگن محلي اهالی بیرته‌ مزارگه عمومی روشده کومیب تشلنگن.

عراق عدلی طب خادملری معلوم قیلیشیچه، بو جسدلر امریکا هوا کوچلری نینگ سابق مرکزیده جایلشگن «اسپایچر» کمپیده قتل ایتیلگن انسانلرگه عاید. اولر داعش تامانیدن اولدیریلگن.

 هشدی شبی نینگ ایسکی قومندانلریدن معین کاظمی

«تیکریتده‌ گی عایله‌ لرگه خبر بیردیک. جسدلر نینگ 200 نفری DNA دن سونگ کیم لیگی معلوم بوله‌ دی»، دیدی هشدی شبی نینگ عالي مرتبه ‌لی قوماندانلریدن معین کاظمي.

اونینگ ایتیشیچه، ایکّی هفته‌ آلدین هم اوشه‌ اطرافده 150 ته جسد تاپیلگن.

تخمینلرگه کوره‌، تیکریت اطرافیده ینه‌ کوپلب جسد تاپیلیشی ممکن، چونکه‌ داعش قتل عامیده اولگن و درَکسیز یوقالیب کیتگنلر سانی مینگدن آرتیق.

داعش تروریستلری 2014 ییل نینگ 12 جون کونی تیکریتده جایلشگن « اسپایچر» حربي مکتبی اوقووچیلرینی اوغیرلب کیتگن ایدی و 1700 عسکرنی قتل ایتگن ایدی.

هجوم اویوشتیریلگن کمپ ده 4000 اوقووچی بولگن.

تروریستلر اوقووچیلرنی تونتریلگن رهبر صدام حسین نینگ دولت سراییده قتل ایتگن و بعضی جسدلرنی دریاگه اولاقتیریب یوبارگن.

بیر تیرگاو کمیته سی صدام حسین نینگ «با‌س» حزبیدن 57 کیشی نینگ قتل عامده داعشگه یاردم بیرگنینی انیقله ‌دی و حزبگه اعضا 36 کیشی قتل عامگه یاردم بیرگنلیکده عیبلنیب، باشی تنه‌ سیدن جدا قیلینگن ایدی.

تیکریت قصبه ‌سی 2015 ییلی داعش تروریستلریدن تازه ‌لندی.

بوندن تشقری، اوتگن هفته‌ عراق نینگ موصل ولایتیده هم عمومي قبر تاپیلدی.

بو قبرستاندن 30 ته جسد تاپیلدی.

عراق قوشینی 4 اگست کونی عنبر ولایتیده تاپیلگن بیر عمومی قبردن 40 ته جسدنی چیقرگن ایدی.


لیبل: قبر , عمومی , جسد

علاقه لی ینگی لیکلر