سعودی عربستانده پولیس کوچلری گه قرشی راکتی هجوم اویوشتیریلدی

اوشبو حادثه سعودی عربستان نینگ القطیف شهریده یوز بیردی

سعودی عربستانده پولیس کوچلری گه قرشی راکتی هجوم اویوشتیریلدی

سعودی عربستان نینگ شرقیده جایلشگن القطیف شهریده اویوشتیریلگن راکتی هجوم عاقبتیده بیر پولیس جان بیررایکن, 5 پولیس ایسه یره لندی. 

ایچکی ایشلر وزیرلیگی نینگ سوزلاوچیسی منصور الترکی, القطیف ولایتی نینگ منصوره محلله سیده بیر پروژه ده ایشلیتگن ایشچی لر گه قرشی قوراللی کیشی لر تامانیدن هجوم اویوشتیریلگن لیگی نی بیلدیردی. 

اوشبو حادثه آرتیدن خودی منه شوو منطقه گه یوباریلگن پولیس کوچ لری گه قرشی هم هجوم اویوشتیریلگن لیگی نی بیلدیرگن الترکی, راکتی هجوم عاقبتیده بیر پولیس نینگ جان بیرگن لیگی و بیش پولیس نینگ ایسه یره لنگن لیگی نی معلوم قیلدی. 

الترکی, تروریست لرنینگ اوشله نیشی اوچون کینگ کولملی عملیات باشله تیلگن لیگی نی بیلدیردی. 

بیراق, سوزلاوچی, خودی منه شوو تروریست لرنینگ کیم لر دن عبارت ایکن لیک لری حقیده هیچ قنده ی بیر معلومات بیرمه دی. 

آلدین بیر نیچه مراتبه یمن ده حکومت گه قرشی اوروشیتگن حوثی لر تامانیدن سعودی عربستان نینگ چیگره ده گی شهر لری گه قرشی راکتی هجوم اویوشتیریلگن ایدی. 

یمنده سعودی عربستان ایتکچی لیگی ده گی ائتلاف کوچ لری حوثی لر گه قرشی عملیات اویوشتیرماقده.



علاقه لی ینگی لیکلر