ادلب ده کیمیاوی قتل عام

ترکیه نینگ نگاهیده اورته شرق

712265
ادلب ده کیمیاوی قتل عام

ادلب ده کیمیاوی قتل عام

قیسقه بیر مدت آلدین سوریه نینگ ادلب ولایتی گه باغلیغ خان شیخون منطقه سیگه اسد حکومتی اردوسی تامانیدن کیمیاوی هجوم عملگه آشیریلدی. بیز هم بو هفته پروگرامده ادلب ده گی کیمیاوی قتل عام نی و منطقه گه تأثیراتینی تیکشیریب چیقه میز.

خودی شو موضوع بیلن علاقه لی اوله راق آتاترک عالی بیلیم یورتی اسیستانت لریدن جمیل دوغاچ ایپک نینگ یازووینی تقدیم ایته میز.

میلادی 2011 – ییلدن بیری سوریه ده بشارالاسدنینگ اوز قولی بیلن بویوک وحشت یوز بیریب تورگن و بولرنی دنیا کوریب تورگن. اسد حکومتی نینگ قتل عام لری کون سایین کوپه ییب بارماقده. 4 – اپریل ده سوریه نینگ ادلب ولایتی گه باغلیغ خان شیخون منطقه سیگه اسد حکومتی اردوسی تامانیدن کیمیاوی هجوم عملگه آشیریلدی. کوپراغی خاتین – قیز و باله لردن عبارت 100 دن آرتیق کیشی اولیب 500 دن آرتیق نفر یره دار بولدی.

سوریه نی تعقیب قیلیب تورگنلرگه بو هجوم سوپرایز بولمه دی. چونکه سوریه حکومتی نینگ خلق ارا حقوق نی پای مال قیلیب کیمیاوی هجوملرینی بیرینچی بار قیلگن ایمس. بوندن آلدین هم گوتا، حلب و ایریم منطقه لرده منع قیلینگن ماده لر استفاده قیلیب اون مینگ لب کیشینی اولدیردی. احتمالاً ادلب حادثه سی هم آخرین حادثه بولمه یدی. بناً اسد حکومتی گه خلق ارا جمعیت تامانیدن جدی تحریم عملی بولمه یدی. بیاناتلری و قرارسیز یانداشووی بیلن خلق ارا جمعیت اسدگه جسارت بیرماقده.

اسد حکومتی کیمیاوی قورال گه صاحب بولیش کیلیشوویگه قره مه ی کیمیاوی مواد استفاده قیلیب تورگن. خلق ارا جمعیت جدی بیر شکلده عکس العمل کورستمه یدی. اسد حکومتی بو حادثه نی اوزیگه قره ته یاقیلگن یشیل چراغ کبی کورماقده. سوریه ده گی کیمیاوی هجوم لر خلق ارا جمعیت نینگ ضعیف سیاستی نینگ نتیجه سی دیر. بیرلشگن ملتلر خوفسیزلیک شوراسی بو حادثه لرگه قره ته سیس چیقرمه ی مشروعیتینی قولدن بیریشی گه کم قالگن.

اسد حکومتی نینگ بیولوژیک حرب پروگرامی و بالستیک راکت نوعی ینگی حرب جرم ایجاد ایتووچی موضوعلردیر. اسد کوچلری تامانیدن سونگی جریانده استفاده قیلینگن آکسیجنی ایمن و یوکسک درجه لی اوزاق مدتلی پارتلاوگه باعث بوله دیگن ترموباریک قوراللریگه هم مانع بولیش کیره ک.

اسد حکومتی هنوز هم بیولوژیک قورال کیلیشووینی قبول ایتیب تصدیق قیلمه گن. اسد حکومتی نینگ بیولوژیک حرب پروگرامی دایره سیده تولارامی شاربون، ویبا کبی خطرلر بیلن مشغول بولگن لیگی بیلن علاقه لی تیکشیروو فعالیت لری خلق ارا میدیا تامانیدن نشر قیلیندی. عین دمده اسد حکومتی نینگ شمالی کوریا بیلن مدافعه همکارلیگی استراتیژیک سویه ده دوام ایتماقده. شمالی کوریا کیمیاوی و بیولوژیک حرب توغریسیده دنیانینگ اینگ خطرلی اولکه سی دیر.

ادلب، مهم منطقه لرنینگ گذزگاه نقطه سی دیر. مخالف گروه لر حاکم بولگن نقطه ده مجبوری کوچ باعث نفوس تقریباً 2 ملیون بولیب قالگن. بو جای مخالف لرنینگ سوریه ده گی اینگ مهم قلعه سی دیر. روسیه و اسد حکومتی جهتیدن توقنه شوولرنینگ نهائی قیلینیشی اوچون آخرین ظفر قولگه کیریتیله دیگن مهم بیر جای. ادلب تورلی مخالف کوچلرنینگ کنترولیده دیر. لاذقیه گه یقین قشلاقلرده آزاد سوریه اردوسی حاکم. ادلب نینگ جنوبی قشلاقلریده دمشق نی آزاد قیلیش هیأتی نینگ (ایسکی آتی بیلن النصرا) حاکمیتی بار. ترکیه چیگره لریگه یقین منطقه لرده ایسه احرارالشام کوچلی دیر.

خان شیخوندن خلق ارا میدیاگه انعکاس قیلگنلر اسد حکومتی نینگ کیمیاوی قورال استفاده قیلیش گه دوام ایتیب تورگن لیگینی کورستماقده. بو وضعیت بیریلشگن ملتلر تشکیلاتی خوفسیزلیک شوراسی نینگ 2118 و 2209 نمره قرارلری نینگ علنی بیر شکلده اخلتال قیلنگن لیگی معناسیگه کیله دی. بو حادثه، اسد حکومتینی بیر خطر اوله راق کورمه گن غربی اولکه لرنینگ نگاهی نینگ قنچه ینگلیش ایکن لیگینی اورته گه چیقردی. سوریه بحرانی نینگ منبع سی بشارلاسد حکومتی دیر. اسد حکومتی برطرف بولمه ی سوریه ده تینچ لیک برقرار بولمه یدی. خلق ارا جمعیت بو هجوملرگه قره ته ایندی عکس العمل کورساتیشی کیره ک. کیمیاوی قوراللرنینگ منع قیلینیش گروهی و برچه خلق ارا نهادلر بو کبی هجوملرگه قره ته عاجل تحقیق آلیب باریشی کیره ک.  

ترکیه جمهوریتی، سوریه ده 30- دسامبر 2016 – ییلی آتش کیس نینگ عملی بولیشی اوچون کوپ فعالیت قیلدی. ترکیه، آتش کیس نینگ مخاطب بولگن ساحه ده گی مخالف تامانلرنینگ آتش کیس نی رعایت قیلیش لری اوچون فعالیت قیلدی و موفق بولدی. روسیه بیلن ایران ایسه سوریه حکومتی و اونینگ حمایه گرلری نینگ آتش کیس نی رعایت قیلیش لری توغریسیده مسؤلیت آلدی. بیراق یا روسیه بیلن ایران بو توغریده ییترلی درجه ده فعالت قیلمه یدی ویا سوریه حکومتی روسیه بیلن ایران نینگ سوزیگه اعتبار بیرمه یدی.

ادلب ده یوز بیرگن هر بیر حادثه ترکیه گه تأثیر قالدیرماقده. ترکیه حاضرچه کوچ دالغه سیگه مانع بولماقده. لیکن بمبارمان نینگ کوپه ییشی، بو کبی کیمیاوی هجوملرنین یوز بیریشی و حیات نی قتتیق وضعیت گه کیلتیریشی بیلن ترکیه نینگ ینگی کوچ حادثه سیگه دوچ قالیشی ممکن. ترکیه بو کوچ حادثه سی نینگ عده سیدن چیقالمه سه اروپا اوچون هم جدی نتیجه لری بولیشی ممکن.

منطقه اولکه لری نینگ و موضوع گه طرف بولیب تورگن کوچلرنینگ تیزلیکده سیاسی حل یولی اوچون قوللرینی تاش نینگ آستیگه قوییشلری کیره ک. سیاسی حل یولی اوچون ایسه؛ سوریه نینگ تمامیت ارضی تأمین ایتیلیشی کیره ک. اسد حکومتی برطرف ایتیلیشی کیره ک. ساحه ده گی برچه ترور تشکیلاتلریگه قرشی (PKK/YPG - داعش – النصرا) جهت توتمه ی مجادله ایتیلیشی کیره ک. بوندن تشقری آتیله دیگن هر بیر آدیم بحراننی کوپراق قیلیشدن باشقه بیر ایش گه یره مه یدی.

 



علاقه لی ینگی لیکلر