امریکا حربی اوچاق لری بشار اسدگه باغلیغ عسکری مرکزگه هجوم اویوشتیردی

روسیه : امریکا حربی اوچاق لری بشار اسدگه باغلیغ عسکری مرکزگه هجوم اویوشتیردی

روسیه نینگ مدافعه وزیرلیگی، امریکا قوشمه ایالتلری باشقرووچیلیگیده گی ائتلاف کوچلری نینگ سوریه نینگ شرق تامانیده گی دیر الزور ولایتیده گی بشار اسد حکومتی گه باغلیغ بیر عسکری مرکزگه هجوم اویوشتیرگن لیگی نتیجه ده 62 کیشی عسکرنینگ اولگن لیگینی بیان ایتماقده دیر.

مدافعه وزیرلیگی سوزلاوچیسی جنرال ایگور کوناشینکوف، دیر الزور قونلغه سی نینگ یقینیده 4 فروند حربی اوچاق بیلن هجوم اوویوشتیریلگن لیگی و سوریه لیک اداره چیلرنینگ حکومت نینگ 62 عسکرنینگ اولگن لیگیگینی بیلدیرگن لیگینی افاده ایتماقده دیر. عین دمده 100 دن آرتیق عسکرنینگ یره لنگن لیگی بیلدیریلدی.

کوناشینکوف حربی اوچاقلرنینگ سور یه نینگ عراق چیگره سی تامانیدن کیلگن لیگینی قید ایتماقده.

مسکو منطقه ده گی سوریه عسکرلری نینگ ترور تشکیلاتی داعش بیلن اوروشگن لیگینی بیلدیردی.

امریکا قوشمه ایالتلری مرکزی کوچلر قومندان لیگی (CENTCOM) دن بیریلگن بیاناتده ائتلاف کوچلری نینگ دیر الزور ولایتی نینگ چنوب تامانیده گی بیر آدرس گه داعش نینگ آدرسی ایکن لیگی تصور ایتیلیب، هوائی هجوم اویوشتیریلگن لیگینی بیلدیریب، روس اداره چیلرنینگ سوریه اردوسی باغلیغ کوچلرگه هجوم اویوشتیریلگن لیگینی بیلدیرگن لیکلری بیلن عملیات نینگ توخته تیلگن لیگینی بیا ایتماقده دیر.

مذکور بیاناتده سوریه اردوسی نینگ مغلق بیر وضعیت ده ایکن لیگینی ائتلاف کوچلری نینگ بیلیب سوریه اردوسیگه باغلیغ آدرس گه هجوم اویوشتیرمس لیگی افاده ایتیلدی.

سوریه نینگ 62 عسکری نینگ اولگن لیگینی ادعا ایتگن روسیه نینگ ایستگی گه بناً بیرلشگن ملتلر خوفسیزلیک شوراسی عاجل جلسه اویوشتیره دی.

روسیه تشقی ایشلر وزیرلیگی سوزلاوچیسی امریکا خوفسیزلیک شوراسیگه قره ته بیر معلومات بیریشی کیره ک، دیدی.

سوریه تشقی ایشلر وزیرلیگی هم خوفسیزلیک شوراسی نینگ امریکانینگ هجومی نینگ محکوم ایتیشینی سوره دی.

امریکا قوشمه ایالتلری حاضرکچه هیچ سوریه کوچلرینی آماج قرار بیرمه گن ایدی.

روسیه بیلن امریکا قوشمه ایالتلری، سوریه ده گی آتش – کیس موضوع سینی کوریشیش اوچون جمعه کون بولیب اوته دیگن خوفسیزلیک شوراسی ییغینی نی کنسل قیلدی.