تورکیه تشقی ایشلر وزیری چاووش اوغلی کویت لیک کسبداشی الصباح بیلن اوچره شدی
اوشبو اوچره شوو تورکیه پایتختی انقره ده بولیب اوتدی
تورکیه جمهوریتی تشقی ایشلر وزیری مولود چاووش اوغلی, انقره ده, کویت تشقی ایش لر وزیری و کابینه ایشلری بوییچه مسئول وزیر ناصر محمد الصباح بیلن اوچره شدی.
تورکیه – کویت همکارلیگی بوییچه اورتاق کمیته ییغیلیشی گه هم اشتراک ایتگن ایکله وزیر مشترک مطبوعاتی کنفرانس ترتیب له دی.
چاووش اوغلی, کویت لیک کسبداشی بیلن ایککی اولکه اورته سیده گی مناسبت لر و منطقه مقیاسیده گی مسئله لر نی بهالنتیرگن لیگی نی معلوم قیلدی.
چاووش اوغلی, "منطقه مقیاسیده گی مسئله لر بوییچه همفکر ایکن لیگی میز اوچون خرسند من. ایککی اولکه نینگ هم منطقه ده گی مقصدی تینچلیک, برقرارلیک و اقتصادی رواجلنتیریش دن عبارت" دییه قید ایتدی.
چاووش اوغلی, کویت نینگ منطقه مقیاسیده گی مسئله لر بوییچه واسطه چیلیک رولی نی مقترایکن, تورکیه نینگ, اوشبو توغریده کویت نی قوللب قوتلش گه دوام ایته دیگن لیگی نی معلوم قیلدی.
الصباح ایسه, تورکیه بیلن کویت اورته سیده گی مناسبت لرنینگ جوده یخشی ایکن لیگی نی بیلدیررایکن, اوشبو علاقه لرنی کینگیتیریش نی خواهلیاتگن لیک لری گه دقت قره تدی.
الصباح, کورفز بحرانی نینگ ییچیلیشی بوییچه دوست اولکه تورکیه و برچه اولکه لر گه حمایه لری اوچون منتدارچیلیک بیلدیردی.
