جمهوررئیس اردوغان: کُرد لر بیلن هیچ قنده ی بیر مشکلی میز یوق

اردوغان اوشبو مطلب نی تورک- امریکا کینگشی اعضالری بیلن قیلگن صحبتی جریانیده بیلدیردی

جمهوررئیس اردوغان: کُرد لر بیلن هیچ قنده ی بیر مشکلی میز یوق

تورکیه جمهوریتی جمهوررئیسی رجب طیب اردوغان, تورکیه نینگ کرد لر بیلن هیچ قنده ی بیر قیین چیلیگی نینگ بولمه گن لیگی نی بیلدیررایکن, "ترور تشکیلاتی پی کا کا/پی  وای دی نینگ کرد لر دن عبارت ایکن لیگی نی بیلدیریش کرد قرداش لری میزگه کتته بیر حقارت بوله دی" دییه قید ایتدی.

جمهوررئیس اردوغان, امریکا قوشمه ایالتلری تجارت اتاقی و تورک – امریکا کینگشی اعضالری بیلن صحبت قیلدی. 

تورکیه بیلن امریکا اورته سیده گی مناسبت لرنینگ برچه امتحان لردن موفقیت بیلن اوتگن لیگی نی بیلدیرگن اردوغان, "تورکیه بیلن امریکا قوشمه ایالتلری اورته سیده مشترک منفعت لر دایره سیده کوچلی, کینگ کولملی و ستراتژیک بیر همکارلیک موجود.  ایریم پیتلرده بعضی فکر فرقلی لیق لری نینگ موجود بولیشی گه قره مسدن مناسبت لری میز یخشی" دییه قید ایتدی. 

تورکیه نینگ سوریه ده, امریکا کوچلری نینگ چیقه دیگن ساحه لرده تروریزم گه قرشی کوره ش مسئولیتی نی اوزی بوینی گه آلیش گه تیار ایکن لیگی نی معلوم قیلگن اردوغان اوز سوز لری نی, "ترور تشکیلاتی داعش نی یوق قیله دیگن لیگی میز نی بیلدیردیک. بیراق اوشبو ترور تشکیلاتی گه قرشی ترور تشکیلاتی پی وای دی/پی کا کا دن استفاده قیلیش گه حرکت قیلیندی" شکلیده دوام ایتتیردی. 

اردوغان, بونده ی بیر سیاست نینگ منفی نتیجه لری نینگ بیر نیچه ییل کیین کورینه دیگن لیگی نی معلوم قیلدی. 

تورکیه نینگ اوزی, منطقه سی و دنیا گه قرشی تهدید تشکیل قیله دیگن ترور تشکیلات لری گه قرشی کوره ش آلیب باریش بوییچه مصمم ایکن لیگی نی بیلدیرگن اردوغان, "ترور تشکیلاتی داعش نی, باشقه بیر ترور تشکیلاتی دن فایده له نیب یوق قیلیش گه حرکت قیلگن امریکا نینگ سابق رهبریتی دن قالگن ایریم تامان لر اولکه میز گه قرشی پروپاگند قیلماقده. ترور تشکیلاتی پی کا کا/پی وای دی نینگ کرد لر دن عبارت ایکن لیگی نی بیلدیریش کرد قرداش لری میز گه کتته بیر حقارت بوله دی. حاضرگی کونده ترور تشکیلاتی داعش نینگ حمله لری و پی کا کا/پی وای دی نینگ ظلمی دن قاچیاتگن کرد قرداش لری میز باش پنه سوره ب تورکیه گه کیلماقده" دییه قید ایتدی.

امریکا قوشمه ایالتلری نینگ سوریه ده بولووچی ترور تشکیلاتی پی کا کا/پی وای دی گه سلاح بیریاتگن لیگی نی هم تنقید قیلگن اردوغان اوز سوز لری نی, "امریکا حاضرگی کونده هم بو لر نی ترور تشکیلاتی صفتیده قبول قیلمیدی. اساسی مسئله هم منه شوندن عبارت" شکلیده دوام ایتتیردی. 

جمهوررئیس اردوغان, سوریه ده انسان لرنینگ قیین چیلیک لری نینگ ییچیلیشی اویلنگن تقدیرده, امن منطقه لرده مهاجر لر اوچون کمپ لرنینگ قوریلیشی نینگ ضروری ایکن لیگی نی بیلدیردی. 



علاقه لی ینگی لیکلر