جمهوررئیس اردوغان روسیه گه تشریف بویوردی

اردوغان مسکوده گی ونوکووه هوا قونلغه سیده روس و تورک مسئول لر تامانیدن کوتیب آلیندی

جمهوررئیس اردوغان روسیه گه تشریف بویوردی

تورکیه جمهوریتی جمهوررئیسی رجب طیب اردوغان, بوگون تورکیه وقتی بیلن ساعت 15:15 ده روسیه پایتختی مسکو گه تشریف بویوردی.

جمهوررئیس اردوغان ونوکووه هوا قونلغه سیده روسیه تشقی ایشلر وزیرلیگی اورینباسری الکساندر کروشکو, دولت پروتوکول رئیسی ایگور بوگداشیف, تورکیه نینگ مسکو سفیری محمد سیمسار و باشقه مسئول لر تامانیدن کوتیب آلیندی.   

تورکیه جمهوریتی تشقی ایشلر وزیری مولود چاووش اوغلی, انرژی و طبیعی منبع لر وزیری فاتح دونمز, ملی مدافعه وزیری خلوصی آقر, ایکینچی لیک و اورمان وزیری بکر پاکدیمیرلی, ملی استخبارات اداره سی باشلیغی هاکان فیدان, جمهوررئیسلیک سوزچیسی ابراهیم قلین و جمهوررئیس لیک ارتباط لر شعبه سی باشلیغی فخرالدین آلتون اوشبو سفری جریانیده جمهوررئیس اردوغان بیلن همراه لیک قیلماقده. 

جمهوررئیس اردوغان بیر کونلیک سفری دایره سیده روسیه دولت رهبری ولادیمیر پوتین بیلن اوچره شه دی. 

عینی دمده اوشبو سفر دایره سیده ایککی اولکه نینگ وزیر لری و باشقه مقام لری نینگ اشتراکی بیلن هیئت لر ارا بیر اوچره شوو نینگ بولیب اوتیشی و تورکیه بیلن روسیه اورته سیده گی مناسبت لردن تشقری, سوریه مسئله سی بیلن بیر قطارده, ایریم منطقه و خلق ارا مقیاسده گی ینگی لر باره سیده هم فکر المه شیلیشی کوتیلماقده.



علاقه لی ینگی لیکلر