تیکا نیمه ایش قیله دی؟

تیکا حقیده قیسقه معلومات

تیکا نیمه ایش قیله دی؟

بیر یاردم موسسه سی بولگن تیکا, جهان نینگ اینگ اوزاقده گی منطقه لریگه هم یاردم ییتیشتیریب بیریب تورکیه نینگ وجدانی و بشری سیاستی نی انیقلب بیرماقده.

اورته آسیا, بالکان لر, افریقا, لاتین امریکا و جنوبی آسیا سنگری کینگ جغرافیه ده رواجله نیش اوچون کوپلب اقتصادی, اجتماعی و فرهنگی پروژه لر تطبیق قیلیب کیلگن تیکا اوشبو دایره ده تورکیه نینگ تجربه لرینی دوست لری بیلن اورتاقلشماقده. 

تیکا, حاضرگی کون گه قدر چیت ایللرده تطبیق قیلگن قریب 25 مینگ پروژه سی بیلن کسلخانه لر, مکتب لر و یوللر قوریب یوز مینگلب مظلوم نینگ دردی گه مرهم بولدی. شونده ی قیلیب تورکیه نینگ اوشبو اولکه لر بیلن بولگن مناسبت لری نینگ مستحکم له نیشی اوچون زمینه یره تیب بیرماقده. 

اوشبو پروژه لر ایسه عموماً آلیب قره گنده تعلیم و تربیه, ساغلیق, مسکن, باله بیلن آنه لر ساغلیغی, ایکینچی لیک, چاروادارلیک, ترانسپورت, تولید و استخدام سنگری ساحه لر بوییچه پروژه لر نی قمره ماقده. خوددی شوو پروژه لر بوییچه اساسی هدف ایسه اوشبو اولکه لرنینگ اوز منبع لریدن یخشی فایده له نیش لری توغریسیده همکارلیک قیلیشدن عبارت. 

سونگگی اوچ ییلده (2015-2017) بالکان لردن باشلب اورته آسیا گه قدر و اورته شرقدن باشلب افریقا گه قدر بولگن کینگ جغرافیه ده قریب 250 اورتاق تاریخی و فرهنگی میراث تیکا تامانیدن قیته قوریلدی. 

تیکا تامانیدن سومالیا, فلسطین, سودان, پاکستان و قیرغزستان سنگری کوپلب اولکه لرده قوریلگن کسلخانه لرده یوز مینگلب کیشی تداوی قیلینماقده. 



علاقه لی ینگی لیکلر