پاکستانده فتونینگ مکتبلری تورکیه معارف بنیادی گه تسلیم ایتیلدی

بیر مراسم آرقه لی تسلیم بیریلدی

پاکستانده فتونینگ مکتبلری تورکیه معارف بنیادی گه تسلیم ایتیلدی

پاکستان نینگ پشاور شهریده گی فتح الله چی ترور تشکیلاتی نینگ مکتبلری تورکیه معارف بنیادی گه تسلیم بیریلدی.

مملکت نینگ شمالیده جایلشگن خیبر پختونخواه ایالتی نینگ پایتختی پشاورده بوگون بولیب اوتگن اوچره شوولر نتیجه سیده اساسی قانون محکمه سی تامانیدن دسامبر آییده آلینگن قرارگه بناً مذکور مکتبلرنینگ تسلیم مراسمی اوتکزیلدی.

تورکیه معارف بنیادی هیئتی اولاً ایچکی ایشلر و اقوام قبایل وزیری اکرام خان بیلن ملاقات قیلدی. خانگه تسلیمات پروسه سی بیلن تیگیشلی معلومات بیریلدی. خان وزیرلیکدن مسؤل بیر کیشی گه نماینده صفتیده وظیفه بیردی.

پشاورنینگ حیات آباد منطقه سیده گی مکتبلرنینگ مرکزیده تورکیه و پاکستان بیراقلری بیلن تورکیه معارف بنیادی نشانی آسیلدی. خوددی شو مراسمده کیلیشوولرگه تورکیه معارف بنیادی مدافعه وکیلی سمیهه سری چام و تورکیه معارف بنیادی پاکستان مسؤلی صلاح الدین باتور تامانیدن قول قوییلدی.   

مکتبلرنی تسلیم آلگن هیئت ترکیبیده اورین آلگن باتور، ایریم شهرلرده گی کبی بو جایده هم مکتب پرسونلی و اوقووچیلری تامانیدن گوزه ل کوتیب آلینگن لیکلرینی ایتدی.

پاکستان اساسی قانون محکمه سی تامانیدن دسامبر آییده آلگن قراری بیلن فتو ترور تشکیلاتی دیب اعلان قیلینگن ایدی. عین دمده بو تشکیلاتگه باغلیغ مکتبلر ایسه تورکیه معارف بنیادی گه تسلیم بیریلیشی گه قرا قبول قیلینگن ایدی.  



علاقه لی ینگی لیکلر