تورکیه بیلن چین اورته سیده گی مناسبت لر کونساین آرتیب بارماقده

اوشبو مطلب نی تورکیه جمهوریتی پارلمانی باشلیغی بنعلی ییلدیریم بیلدیردی

تورکیه بیلن چین اورته سیده گی مناسبت لر کونساین آرتیب بارماقده

تورکیه جمهوریتی پارلمانی باشلیغی بنعلی ییلدیریم چین گه تشریف بویوردی.  ییلدیریم, چین بیلن تورکیه اورته سیده گی مناسبت لرنینگ کونساین یخشی له شیب باریاتگن لیگی نی معلوم قیلدی. 

بنعلی ییلدیریم, تورکیه جمهوریتی جمهوررئیسی رجب طیب اردوغان ن و چین لیک تینگداشی شی جینپینگ نینگ جی 20 رهبر لر ییغیلیشی دایره سیده آرژانتینده اوز ارا اوچره شیب مهم قرار لر آلگن لیگی نی بیلدیررایکن, "ایککی اولکه اورته سیده گی مناسبت لر کونساین یخشی له شیب بارماقده" دییه قید ایتدی. 

ییلدیریم چین سفری دایره سیده شیان شهریده, شانشی ایالتی خلق کنگره سی باشلیغی هو هیپینگ نی قبول قیلدی. 

چین بیلن تورکیه نینگ آسیانینگ شرقی و غربیده جایلشگن ایککی مهم اولکه دن عبارت ایکن لیگی نی معلوم قیلگن ییلدیریم, مسافه نینگ اوزاق بولیشی گه قره مسدن ایککی ایککی اولکه نینگ چقور بیر تاریخی مناسبت گه ایگه ایکن لیگی نی ایسله تیب اوتدی. 

"تاریخی ایپک یولی نینگ ینگی له نیشی هدفی گه ایگه پروژه لر بیلن بو یول نینگ قیته باشدن تیمیر یولی آرقه لی مستحکم له نیشی بوییچه تورکیه و چین اورته سیده گی اوز ارا همکارلیک نینگ دوام ایتیشی نی آرزو قیلماقده میز" دییه قید ایتگن ییلدیریم, چین نینگ تورکیه نینگ اوزاق شرقده گی اینگ کتته تجاری همکاری دن عبارت ایکن لیگی نی معلوم قیلرایکن, ایککی اولکه اورته سیده گی تجارت حجمی نینگ آرتیریلیشی نی آرزو قیلیاتگن لیک لری نی بیلدیردی. 

ییلدیریم اوشبو دایره ده تورکیه بیلن چین اورته سیده توریزم ساحه سی بوییچه اوز ارا همکارلیک میزانی نینگ هم آرتیریلیشی نینگ ممکن ایکن لیگی نی بیلدیررایکن, "شیان بیلن استانبول اورته سیده پرواز لرنینگ باشله تیلیشی ممکن.  تورک هوا یوللری طیاره لری اوشبو جغرافیه گه اوچیش اوچون تیار" دییه قید ایتدی.

ییلدیریم, شیان شهریده گی 13 عصرلیک شیان اولوغ جامع مسجدی هم کوریب چیقدی. 

دوشنبه کونی چین گه سفر قیلگن ییلدیریم اوشبو سفری دایره سیده, چین ملی خلق کنگره سی دایمی کمیته سی باشلیغی لی جانشو و توناوکون ایسه چین باش وزیری لی کیچیانگ بیلن اوچره شگن ایدی.



علاقه لی ینگی لیکلر