قاشیقچی جنایتی خلق ارا مقیاسده تیکشیریلیشی ضرور

تورکیه تشقی ایشلر وزیری خلق ارا مقیاسده تحقیق آلیب باریش شرط دیب اویله یمیز، دیدی.

قاشیقچی جنایتی خلق ارا مقیاسده تیکشیریلیشی ضرور

تورکیه تشقی ایشلر وزیری مولود چاووش اوغلی، سعودی ژورنالیست جمال قاشیقچی جنایتی بیلن تیگیشلی؛

"شو مرحله ده ایندی خلق ارا مقیاسده تحقیق آلیب باریش شرط دیب اویله یمیز" دیدی.

تورکیه عالی مجلسیده سواللرگه جواب بیرگن تشقی ایشلر وزیری چاووش اوغلی، قاشیقچی نینگ اولدیریلیشی توغریسیده تورکیه نینگ شفاف بیر جریاننی تعقیب ایتگن لیگینی و برچه دنیانینگ بونی قبول قیلگن لیگینی بیلدیردی.

"خلق ارا جمعیت بیلن شفاف بیر شکلده جریاننی آلیب بارماقده میز." دیب ایتدی چاووش اوغلی جنابلری.

"اولاً بیز سعودی عربستان بیلن بیر گروپ ایجاد ایتدی. شو وقت خلق ارا محکمه گه انتقال بیرماقچی ایمس میز، دیدیک" بیراق شو مرحله ده ایندی خلق ارا تحقیق آلیب باریش شرط دیبا ویله یمیز. بو جنایت نینگ هر تامانلمه آیدین – آچیق انیقله نیشینی اوچون نیمه کیره ک بولسه عملی قیله میز. بونی یاپیب قوییش، کیلیشیش بیلن بولمه یدی.

قاشیقچی نینگ وحشی بیر جنایت قربانی بولگن لیگینی معلوم قیلگن چاووش اوغلی، استخبارات و امنیتی ارگانلرنینگ قولگه کیریتگن دلیللرنی کورماقچی بولگنلرگه کورستگن لیگینی افاده ایتدی.

چاووش اوغلی، "تورکیه هیچ بیر زمان الدتمه یدی. تورکیه نینگ قولیده نیمه بولسه خلق ارا جمعیت نی شریک قیلیشی کیره ک" دیب ایتدی.

نکاه ایشلری اوچون 2 اکتوبرده سعودی عربستان نینگ استانبول قونسلخانه سیگه بارگن قاشیقچی، بو جایده وحشیانه بیر شکلده اولدیریلگن ایدی.



علاقه لی ینگی لیکلر