تورکیه اوزاق منزللی هوایی راکت مدافعه سیستمی تولید قیله دی

جمهوررئیسی اردوغان اوشبو ساحه بوییچه فعالیت لرنینگ باشله تیلگن لیگی نی معلوم قیلدی

تورکیه اوزاق منزللی هوایی راکت مدافعه سیستمی تولید قیله دی

تورکیه جمهوریتی جمهوررئیسی رجب طیب اردوغان, وطنی اوزاق منزللی منطقوی راکت مدافعه سیستمی نینگ ایشلب چیقاریلیشی اوچون کیره ک لیک فعالیت لرنینگ باشله تیلگن لیگی نی بیلدیردی. 

جمهوررئیسی اردوغان, وطنی تکنالوژی نی رواجلنتیریش زیربنالری آچیلیشی مراسمیده قیلگن صحبتی جریانیده, "سپر اسمی بیلن باشله تیلگن وطنی اوزاق منزللی منقطوی هوایی راکت مدافعه سیستمی نینگ خیرلی بولیشی نی آرزو ایتیب قاله من" دییه قید ایتدی. 

اردوغان اوز سوز لری نی, "تورکیه؛ مدافعه, هواچیلیک و فضا تکنالوژی لری نینگ برچه ساحه لری بوییچه امکانیت ایگه سی بولیش اوچون جدل روشده آلغه کیتماقده.  مدافعه صنایع سی بوییچه محصولات نینگ 65 فایزی وطنی محصولات دن عبارت.  ایندی اوشبو رقم نی ینه ده یوقاری راق سویه گه کوترماقچی میز" شکلیده دوام ایتتیردی. 

سونگگی پیتلرده تورکیه نینگ ایرکین سیاست لری نینگ ایریم تامان لرنینگ تینچی نی بوزیب قویگن لیگی نی بیلدیرگن اردوغان, "تورکیه نینگ, مدافعه صنایع سی نینگ وطنی لشتیریلیشی بوییچه باشله تیلگن فعالیت لری نی توختاوسیز روشده دوام ایتتیریشی تقدیرده گینه مستقل و کوچلی تورکیه هدفی گه نایل بولیشی ممکن" دییه قید ایتدی. 

اردوغان اوز سوز لری نی, "حاضرگی کونده مدافعه صنایع سکتوری میز بیر مینگ دن آرتیق شرکت, کیچیک ایش و تحقیقات مرکز لری و عالی بیلیم یورتلری نینگ اشتراکی بیلن ملی بیر ساختار گه ایگه بولیب قالگن وضعیتده" شکیلده دوام ایتتیردی.



علاقه لی ینگی لیکلر