تورکیه خوفسیزلیک کوچلری بیلن ترورچیلر اورته سیده توقنه شوو یوز بیردی

5 کیشی جنگری تاثیرسیز وضعیت گه کیلتیریلدی

تورکیه خوفسیزلیک کوچلری بیلن ترورچیلر اورته سیده توقنه شوو یوز بیردی

تورکیه نینگ موش ولایتی وارتو تومنیده بولووچی ترور تشکیلاتی پی کاکا جنگریلری بیلن خوفسیزلیک کوچلری اورته سیده یوز بیرگن توقنه شووده 5 کیشی تروریست جنگریسی تاثیرسیز وضعیت گه کیلتیریلدی.

والی لیک تامانیدن بیریلگن بیاناتده، ژاندارم کوچلری نینگ بیر تیمی تامانیدن آلیب باریلگن فعالیتلرده وارتو تومنی ییلانلی قشلاغیده بولووچی ترور تشکیلاتی منسوبلری نینگ بارلیگی معلوماتی آلینیشی نینگ آرتیدن منطقه گه عسکر و واسطه لر سوق ایتگن لیکلری بیلدیریلدی.

مذکور بیاناتده، قشلاق یولی گذرگاهیده "دریش" قیلگنده توخته مه گن شبهه لی بیر موتردن خوفسیزلیک کوچلریگه قره ته سقیله قورال آرقه لی فیر قیلینگن لیگی و توقنه شوو یوز بیرگن لیگی قید ایتیلدی.

موتردن توقنه شووگه دوام ایتگن ترورچیلردن 2 ته سی خاتین – قیز 3 ته سی ایرکک توپلم 5 جنگری نینگ اولیکلری نینگ قولگه آلینگن لیگی افاده ایتیلدی.

خلق نینگ تینچ لیگی و خوفسیزلیگی اوچون ولایت مقیاسیده عملیاتلرنینگ دوام ایته جگی اورغولندی.



علاقه لی ینگی لیکلر