تورکیه نینگ تورلی ولایتلریده بیر قطار افغانستان لیک قاچقین قولگه آلیندی

توپلم 132 کیشی خارجی مهاجر قولگه آلیندی.

تورکیه نینگ تورلی ولایتلریده بیر قطار افغانستان لیک قاچقین قولگه آلیندی

بیتلیس و ازمر ولایتلریده قاچاق اوله راق تورکیه گه کیریب کیلگن 132 کیشی خارجی مهاجر قولگه آلیندی.

بیتلیس نینگ اخلات تومنیده ایککی عراده بسنی توخته تیب تلاشی قیلگن خوفسیزلیک کوچلری 81 نفر قاچقیننی اوشلب آلگن.

آغری ولایتیدن استانبول و انقره گه اوتیب بارماقچی 49 کیشی افغانستان، 27 کیشی پاکستان و 5 کیشی بنگلدیش تبعه سی قاچاق مهاجر اوشلنگن.

ایچلریده خاتین – قیز و باله لر هم بولگن خوددی شو مهاجرلرنینگ سپورت صالونیده جایلشتیریلگن لیکلری بیلدیریلدی.

اوشبو قاچقینلر رسمی پروسه نینگ آرتیدن مهاجرلر اداره سیگه تسلیم ایتیله دیلر.

باشقه تاماندن ازمیر ولایتی نینگ دیکیلی تومنی دینگیز ساحه سیده پلاستیک قاییق آرقه لی یونان گه اوتیب بارماقچی بولگن 51 کیشی قاچقین اوشلب آلینگن.

  ساحل خوفسیزلیک کوچلری تامانیدن رسمی پروسه لری عملگه آشیریلیشی نینگ آرتیدن مهاجرلر اداره سیگه تسلیم ایتیلگن لیکلری معلوم قیلیندی.



علاقه لی ینگی لیکلر