تورکیه لیک دنیا بوییچه مشهور سپورتچی وفات ایتدی

وزن بردارلیک ساحه سیده دنیا ریکاردلری قولگه کیریتگن

naim süleymanoğlu.jpg

تورکيه‌لیک وزن بردار سپورتچی نعیم سلیمان اوغلی دوالنه‌ یاتگن کسلخانه‌ده تناون‌ 50 یاشیده وفات ایتر ایکن مرهوم اوچون بوگون جنازه مراسمی اویوشتیریلیب، آخرگی منزلگه جونتیلدی.

جنازه‌ نمازی ایستا‌نبولده‌گی «فا‌تح» نامیده‌گی جامع مسجدیده اوقیلر ایکن اونده باش وزیر بن‌علی ییلدیریم، تورکيه بویوک ملت مجلسی رئیسی وکیلی عاکیف حمزه‌چیبي، یاشلر و سپورت وزیری عثمان عشقین باک و کوپلب سیاستچی، سپورتچی و صنعتکار بیلن بیرگه‌ یورتاشلر اشتراک ایتدی

یاشلر و سپورت وزیری عثمان عشقین باک جنازه‌ نمازی نینگ اوقیلیشیدن آلدین نعیم سلیمان اوغلی نینگ وفاتی یوزه‌سیدن چوقور قیغوده ایکنلیکلرینی قید ایتگن حالده،

«تورک سپورتیگه شو جمله‌دن، آغیر وزن بردارلیک توری نینگ رواجلنیشیگه کتّه‌ حصه‌ قوشگن مهم‌ انساندن اجره‌ب قالدیک. بونده‌ی مهم‌ سپورتچیگه ایگه‌ بولیشلیک هر مملکتگه هم نصیب قیله ‌ویرمه‌یدی» دیدی

تورکيه جمهوریتی نینگ 8-جمهور رپیسی تورگوت اوزا‌ل نینگ اوغلی احمد اوزا‌ل هم نعیم سلیمان اوغلی حقیده بیرگن بیاناتیده، نعیم سلیمان اوغلی نینگ مرحوم آته‌سی نینگ معنوي اوغلی بولگنلیگینی، اوزی نینگ هم معنوي اوکه ‌سی ایکنلیگینی ایسله ‌تیب، مرحوم سپورتچی نینگ قنچه‌لیک یخشی انسان ایکنلیگیگه توخته‌لدی.

سلیمان اوغلی استا‌نبول نینگ ایدیرنه کا‌پی تومنیده، ملي شاعر محمد عاکیف ایرسوی نینگ یانیگه دفن قیلینماقده.

اصلیده بلغاريا‌ده توغیلیب کیینچه‌لیک تورک وطنداشلیگینی آلگن مرحوم سپورتچینی «تورکيه‌ده بیرینچی المپیا‌د مدالینی قولگه کیریتگن افسانوي سپورتچی» دیسه‌ک مبالغه‌ بولمه‌یدی.

راپپه-راسه‌ ۳ ته المپیا‌د، 8 ته دنیا قهرمانلیگیده یوتوققه ایریشگن سپورتچی ۴۶ مراتبه دنیا ریکوردی اورنه‌ تگن.

موفقیتی آرتیدن نعیم سلیمان اوغلی ۱۹۸۸-ییلی مشهور «تیمی» ژونالی نینگ مقیا‌سیده ا‌ورین آلگن.

ایتیب اوتیش جایزکه نعیم سلیمان اوغلی نینگ وفاتیگه بالغاريا عامه‌وي اخبارات واسطه‌لریده هم کینگ ا‌ورین بیریلدی.

تورکيه‌ نینگ بالغريا‌ده‌گی دیپلوماتیک وکالت‌خانه‌لری هم اجتماعي میدیا آرقه‌لی تعزیه‌ اظهار ایتدی.



علاقه لی ینگی لیکلر