پوتین بیلن ایردوغان نینگ اوچره شووی بولیب اوتدی

ایککی رهبر مطبوعاتی کنفرانس اویوشتیردیلر

پوتین بیلن ایردوغان نینگ اوچره شووی بولیب اوتدی

جمهور رئیس رجب طیب ایردوغان، روسیه بیلن مناسبت نینگ چقور بیر شکلده یخشی بولیب باریشی اوچون روسیه لیک تینگداشی ولادیمیر پوتین بیلن کیلیشگنلیکلرینی بیان ایتدی.

رسمی سفر آرقه لی روسیه گه بارگن ایرددوغان، پوتین بیلن یوزمه یوز و هیئتلر ارار اوچره شووی نینگ آرتیدن، مشترک مطبوعاتی کنفرانس اویوشتیردی.

سیاست کبی اقتصادی ساحه ده هم مناسبت نینگ یوقاری قره ب بارگنینی ایسلتگن ایردوغان، زراعت و ویزه محدودیت لری نینگ برطرف ایتیلگنیدن ممنون ایکنینی معلوم قیلدی.

سیاسی موضوعلر کبی اقتصادی مناسبتیمیز هم یخشی بیر شکلده بارماقده. مارچ آییده گی سفریم جریانیده بیر قطار زراعت محصولاتلری نینگ روسیه گه کیریشی گه رخصت بیریلیشی، ونداشلریمیزنینگ ایش اجازه سی توغریسیده قدرلی دوستیم پوتین بیرگن مژده لر بیزنی خرسند قیلدی.

ایکّی رهبر صفتیده پوتین بیلن اوچره ‌شوولری دایمي روشده دوام ایتگنینی ایتگن ایردوغان،  زراعت ساحه‌سیده‌گی سونگگی  چیکلاولر هم برطرف ایتیلیشینی کوتگنلرینی قید ایتدی. ایکّی  اولکه‌ آره ‌سیده‌گی سودا رقمیده‌گی آرتیشگه اشاره‌ قیلگن جمهور رئیس ایردوغان،  اوز مقصدلرگه باریش اوچون ویزه تیزیمینی اوّلگی  حالگه کیلتیریلیشی کیره‌ ک دیب تأکیدله‌دی.

روس رهبر بیلن تورک آقیمی و آق قویو اتوم استیشن‌ پروژه ‌لرینی  هم  محاکمه قیلگن لیکلرینی ایتگن ایردوغان، بولرنی وقتیده عملگه آشیریلیشی نینگ  اهمیتیگه  دقّت قره‌تدی.

جاري ییل نینگ دستلبکی 9 آییده 4 ملیوندن آرتیق  روس سیاح تورکيه‌گه کیلگنینی ایتگن جمهور رئیس، کیلگوسی ییل اوشبو رقم نینگ  ینه‌ آرتیشینی امید قیلگنینی قید ایتدی.

ایردوغان، سوريه معماسی باره‌سیده هم  توخته‌لیب  منطقوي موضوعلرنی محاکمه قیلگنلرینی، آستانه‌ جریانیده  تأمین ایتیلگن  سیلجیش یاردمیده، پوتین بیلن، سوريه‌ده سیاسي ییچیمگه ایگیلیشی موضوعسیده کیلیشووگه بارگنلرینی قید ایتدی.

مدافعه‌ صناعتده  مشترک روشده تشلنه دیگن قدملرگه کتّه‌ اعتبار بیرگنلرینی هم ایتگن، ایردوغان، پوتین و باشقه‌ روس  رسميلرگه، مهمان دوستلیکلری اوچون منّتدارچیلیک بیلدیردی.

میزبان روسیه  جمهور رئیس ولادیمیر پوتین ایسه اوز ارا علاقه‌لر 2015 اوچاق بحرانیدن ( چیگره ‌نی اخلال قیلگن روس اوچاغی تورک ایف - 16لر تامانیدن اوریب توشیریلیشی) آلدینگی سویه‌ کیلگنی نینگ اینگ مهم‌ کورسه‌ تکیچی ، تاباره‌ آرتیب بارگن  سودا سویه‌سی  ایکنینی قید ایتدی.

ایردوغان بیلن سوريه بحرانی نینگ ییچیمینی هم، بو اولکه‌ نینگ حاکمیتی و توپراق یک پارچه لیگی دایره‌سیده محاکمه‌ قیلگنلرینی قید ایتگن پوتین، برچه‌ منطقوي موضوعلرده  فکر المشیلدی دیدی.

تورک زراعت محصولات نینگ صادراتینی ینگیدن باشله‌گنینی ایسله‌تگن روس رهبر، قالگن چیکلاولر اوچون هم اوچره ‌شوولر دوام ایتگنینی معلوم قیلدی.

پوتین، انرژی‌ موضوعلریده ایسه ایکّی اولکه‌ نماینده لری نینگ  نظریه لرینی  آلگن لرینی معلوم قیلیب، ستراتیژیک همکارلیکنی محاکمه‌ قیلگنلرینی معلوم قیلدی. روس رهبر، تورک آقیمی و آق قویو اتوم استیشن‌ پروژه ‌لریده باریلگن باسقیچلر هم کوزدن کیچیریلدی، دیدی.

وله‌دیمیر پوتین، سوزلرینی، ایردوغانگه تشکر ایتیب یکونله ‌دی.



علاقه لی ینگی لیکلر