امریکا قوشمه ایالتلری نینگ ایککی یوزله مه چیلیگی

ریکس تیلرسن ترور تشکیلاتی گه اوز تبریک لری نی بیلدیردی

امریکا قوشمه ایالتلری نینگ ایککی یوزله مه چیلیگی

امریکا قوشمه ایالت لری تشقی ایش لر وزیری ریکس تیلرسن, سوریه نینگ الرقه شهری نینگ ترور تشکیلاتی داعش نینگ قولیدن آلینگن لیگی گه تیگیشلی ترور تشکیلاتی پی کا کا/پی وای دی گه اوز تبریک لری نی بیلدیردی. 

تیلرسن, پیامیده, اوشبو شهر نینگ داعش دن نجات بیریلگن لیگی سببلی سوریه خلقی, سوریه دموکراتیک کوچلری اسمی دن فایده له نیتگن ترور تشکیلاتی پی کا کا/پی وای دی منسوب لری و عینی دمده سوریه عرب ائتلافی گه اوز تبریک لری نی بیلدیرگن لیگی نی معلوم قیلدی. 

عینی دمده تیلرسن, شهر نینگ ملکی بیر کینگش تمانیدن اداره ایتیله دیگن لیگی نی بیلدیردی. 

داعش تامانیدن پایتخت اعلان ایتیلگن الرقه 4 آی لیک بیر عملیات آرتیدن امریکا نینگ حماه سی بیلن سوریه دموکراتیک کوچلری اسمی دن فایده له نیتگن ترور تشکیلاتی پی کا کا/پی وای دی تامانیدن سه شنبه کونی آلینگن ایدی. 

ترور تشکیلاتی پی کا کا نینگ سوریه ده گی قسمیدن عبارت بولگن وای پی جی منسوب لری, الرقه میدانیده پی کا کا تروریست لری نینگ باشلیغی عبدالله اوجالان نینگ عکسی نی آسگن ایدی.  امریکا قوشمه ایالت لری مدافعه وزیرلیگی پنتاگون ایسه, اوشبو عکس نینگ الرقه میدانیده آسیلگن لیگی نی قاره له گن لیگی نی بیلدیرگن ایدی. 

ترکیه جمهوریتی جمهوررئیسی رجب طیب اردوغان, "منه قره نگ, الرقه ده تروریست لرنینگ باشلیغی نینگ عکسی نی آسدیلر.  ایندی امریکا بونگه نیمه جواب بیره دی؟  بیر تاماندن ایسه پی کا کا نینگ ترور تشکیلاتی دن عبارت ایکن لیگی نی بیلدیرماقده لر" دییه عکس العمل کورستگن ایدی. 



علاقه لی ینگی لیکلر