تورکیه و امریکا تشقی ایشلر وزیرلری نینگ اوچره شوولری بولیب اوتدی

تورکیه و امریکا تشقی ایشلر وزیرلری ویزه معماسی بیلن علاقه لی صحبت عملگه آشیردیلر

تورکیه و امریکا تشقی ایشلر وزیرلری نینگ اوچره شوولری بولیب اوتدی

تشقی ایشلر وزیری مولود چاووش اوغلی، امریکا قوشمه ایالتلری تشقی ایشلر وزیری رکس تیلرسون بیلن تیلفون آرقه لی صحبت عملگه آشیردی.

دیپلوماتیک منبع لردن آلینگن معلوماتگه کوره، ایککی وزیر، تورکیه بیلن امریکا قوشمه ایالتلری آره سیده گی ویزه موضوعنی محاکمه قیلگنلر.

قوراللی ترور تشکیلاتی فتوگه قره ته آلیب باریلگن تیرگاو چوکاتیده، امریکا قوشمه ایالتلری استانبول قونسلگرلیگی ملازیمی متین توپوزنینگ بیر قطار امنیت و عدلی مسژللر بیلن ارتباطی تثبیت ایتیلگن و توپوز، استانبول جمهوریت قاره لاوچیلی ترور و تشکیلاتلی جرملر تیکشیروو اداره سی تامانیدن "قاونی تیزیم نی برطرف ایتیش گه حرکت قیلیش" "جاسوس لیک" و "تورکیه جمهوریتی حکومتینی برطرف ایتیش گه حرکت قیلیش" جرم لری باعث اوشلنگن ایدی.

خودی شو حادثه سببلی، امریکا قوشمه ایالتلری تشقی ایشلر وزیرلیگی بو موضوعگه عکس العمل کورستگن ایدی. تشقی ایشلر وزیرلیگی هم توپوز بیلن علاقه لی اوله راق 2017- ییلی 25 سپتمبرده تروریزم بیلن ارتباطی بولگن جرملر باعث نظارتگه آلینگن و محکوم ایتیلگن مذکور کیشی، امریکا قوشمه ایالتلری قونسلگرلیگی نینگ رسمی روی خطی گه ثبت ایتیلگن ملازیمی بولمه گن حالده هیچ بیر دیپلوماتیک جایگاهی هم یوق دیر" دیگن بیاناتنی بیرگن ایدی.

 بولرنینگ آرتیدن امریکا قوشمه ایالتلری نینگ تورکیه ده گی برچه امریکا دیپلوماتیک نماینده لیکلریده مهاجر بولمه گن ویزه پروسه لرینی توخته تگنینی بیان ایتیشی باعث تورکیه نینگ واشنگتن بویوک ایلچی لیگی هم "امریکاده گی برچه نماینده لیکلریمیزده امریکا قوشمه ایالتلری تبعه لریگه قره ته ویزه پروسه لری توخته تیلگن دیر" دیب اعلان قیلگن ایدی.  



علاقه لی ینگی لیکلر