ترکیه یوزلب میلیون دالرلیک تلویزیونی سریال صادر قیلدی

سونگگی ییل لرده اورته شرق, بالکان لر و جنوبی امریکا گه صادر ایتیلیتگن ترک سریال لری ایندی هندوستان و سنگاپور  گه هم صادر ایتیله باشله دی

ترکیه یوزلب میلیون دالرلیک تلویزیونی سریال صادر قیلدی

ترکیه یوز اولکه گه 300 میلیون دالرلیک سریال صادر قیلدی. 

سونگگی ییل لرده اورته شرق, بالکان لر و جنوبی امریکا گه صادر ایتیلیتگن ترک سریال لری ایندی هندوستان و سنگاپور  گه هم صادر ایتیله باشله دی. 

بالیود ده مشهور بولیب کیتگن ترک سریال لری سانی 1 دن 7 گه کوتریلیب کیتدی.

ترکیه ده باسیلیب چیقه دیگن ینی شفق روزنامه سی بیلن مصاحبه قیلگن ترک دایرکتر محمود اوزدَن, ترکیه نینگ دنیا ده اینگ کوپ تلویزیونی سریال ساتیتگن اولکه لر آره سیده ایککینچی اورین نی ایگلله گن لیگی نی بیلدیردی. 

انتر میدیا شرکتی نینگ رئیسی احمد ضیالر ایسه, جاری ییلده 100 اولکه گه 300 میلیون دالرلیک سریال صادر قیلگن لیک لری نی بیلدیردی. 

عینی دمده ضیالر, بیر پیتلر ترکیه نینگ جنوبی امریکا دن سریال ساتیب آلگن لیگی نی بیلدیررایکن, ایندی ایسه عکسینچه جنوبی امریکا نینگ ترکیه دن سریال ساتیب آله باشله گن لیگی نی معلوم قیلدی. 

افغانستان هم ترک سریال لری نینگ کتته قیزیقیش بیلن تماشا قیلینیتگن اولکه لردن بیری نی تشکیل ایتماقده.

قیام, بوری لر وادی سی (وادی گرگ ها), خرم سلطان, فاطمه گل و زندانده (در زندان) کبی سریال لر افغانستانده تماشا قیلینیتگن ترک سریال لری دن عبارت.   



علاقه لی ینگی لیکلر