عراقده کوچ سینش کوره شی 37

تحلیل و تیکشیروو 37

عراقده کوچ سینش کوره شی 37

عراقده کوچ سینش کوره شی

عراق سیلاولریدن تورت آی اوتگن حالده حکومت ایجاد ایتیلمه دی. عراقده گی سیاسی حزبلرنینگ ائتلاف و حکومت نی قوریش فعالیتلری دوام ایتماقده. اینگ کوپ رای قولگه کیریتگن مقدا الصدر باشقروویده گی سائرون حرکتی حکومت قوریش اوچون مهم آدیملر اتدی. حکومت قورماق صدر حرکتی رهبری مقتدی الصدر باشقروویده گی سائرون، عراق باش وزیری حیدر العبادی رهبریتیده گی نسر عمار حکیم باشقروویده گی حکیم و ایاد علاوی باشقرویده گی وطنیه ائتلافی 4 جهتلیک ائتلاف قورگنلرینی اعلان قیلدیلر.  عین دمده بیر قطار سنی حزبلر و کُرد ینگی نسل حرکتی هم ائتلاف گه اورین آلدی. بیراق عراقده ینگی حکومت کابینه سی نینگ ایجاد ایتیلیشی اوچون 2 – جلسه سینی اوتکزگن مجلس ییترلی ملت وکیل سانینی تولدیرمه گن لیگی اوچون جلسه 15 – سپتامبرگه تشلندی. ایسکی عراق باش وزیری و قانون دولتی ائتلاف باشلیغی نوری المالکی و فتحی ائتلافی رهبری هادی امیری هم ائتلاف ایجاد ایتگن لیکلرینی اعلان قیلدیلر. عراق اساسی قانونی گه کوره، اینگ بویوک ائتلاف گه حکومتنی قوریش وظیفه سی بیریله دی و اینگ کوپ ایسه الصدرنینگ باشقربوویده گی ائتلاف نینگ چانسی کوپراق دیر.

سیاست، اقتصاد و جمعیت تدقیقات بنیادی یازووچی جا‌ن اجون نینگ موضوعگه دایر ملاحظه‌لرینی اعتبارینگیزگه تقدیم ایته میز.

عراق اساسی قانونی گه کوره، ینگی حکومت نینگ ایجاد ایتیلیشی اوچون مجلس نینگ بیرینچی جلسه سیده سنی لردن مجلس باشلیغی ایتیب سیله نیشی کیره ک ایدی. مجلس باشلیغی اوچون عنبار والیسی محمد الحالبوسی، جمهور باشلیغی اورینباسری اسامه النجیفی محمد تمیم، رشید العزاوی، احمد جبوری و تلال الزبوری نینگ آتلری مطرح بولیب تورگن. اینگ بویوک ایککی کُرد حزبی کُردستان دموکرات حزبی و کُردستان یورتسیورلر بیرلیگی برچه جریان بوییچه مستقل حرکت قیلیشنی تنله دی و مجلسنی تحریم قیلیب ترک ایتدی.

عراقده گی حکومت قوریش جریانی گه انچه ایچکی و تشقی فکتور تاثیر قالدیرماقده دیر. عراقده گی تورلی گروه نینگ سیاسی، مذهبی و اتنیکی اجره لیشلر بیلن دوچ قالگن لیگی کوریلماقده. باشقه تاماندن امریکا قوشمه ایالتلری و ایران اورته سیده گی رقابت عراقده گی سیاست نینگ اوستی گه انچه تاثیر قالدیرگن. ایران حمایه قیلگن ایسکی عراق باش وزیری نوری المالکی و هشدی شبی ساختاری ایجاد ایتگن فتحی ائتلافی عراق سیاستیده مهم اورین آلماقده دیر. عین دمده هشدی شبی نینگ بیر عسکری ساختار بولیشی ایران حمایه قیلووچی بیر ائتلاف گه سیاسی کوچگه قوشیمچه اوله راق عسکری بیر کوچ هم قوشماقده. لبنانده گی حزب الله گه اوخشش بیر ساختار بیلن ایران عراقده گی موجودیتینی تامین ایتماقچی.

باشقه تاماندن امریکا قوشمه ایالتلری ایسه ایراننی عراقده محدودلشتیریش اوچون حرکت قیلماقده. امریکا قوشمه ایالتلری نینگ داعش گه قرشی کوره ش بوییچه خاص نماینده سی برت مک گورگ نینگ عراق سیاسی لری اورته سیده گی اوچره لری حکومت قوریش فعالیتلریگه تاثیری باردیر. برت مک گورگ نینگ کُرد حزبی کُردستان دموکرات حزبی و کُردستان یورتسیور بیرلیگی بیلن آلیب بارگن اوچره شوولر کوره ایککی کُرد حزبی نینگ ایران حمایه قیلووچی ائتلاف بیلن حرکت قیلیشی گه مانع بولگن لیگی ادعا ایتیلماقده. امریکا قوشمه ایالتلری عراقده زحمتکش صدر حرکتی رهبری مقتدی الصدر رهبریتیده گی سائرون، عراق باش وزیری حیدر العبادی باشقروویده گی نصر عمار حکیم باشچیلیگیده گی حکمت و عیاد علوی رهبریتیده گی وطنیه ائتلافی 4 تامانلمه ائتلافنی حمایه قیلماقده دیر. لیکن اینیقسه مقتدی الصدرنینگ امریکا قوشمه ایالتلریگه قره ته بیاناتلری مناسبت نینگ ابدی ایمس ایکن لیگینی کورستماقده دیر.

عراقده گی حکوما قوریش فعالیتلرینی مهم قیلگن حادثه ایسه تورکیه نینگ ترورچیلیک که قرشی آلیب بارگن کوره شی دیر. عراقده گی پی کاکا ساختاری گه بناً شمالی عراقده قاطعانه حرکاتی گه دوام ایتیب تورگن تورکیه قوراللی کوچلری پی کاکانینگ قرارگاهلرینی و گذرگاهلرینی اوز کنترولی آستیگه آلماقده. عین دمده سینجار منطقه سیده گی پی کاکا ساختاریگه قرشی خاص عملیاتلر آرقه لی مهم نقطه لرنی نشان آلماقده. ترور تشکیلاتی نینگ منطقه قومندانی ملی استخبارات تشکیلاتی و تورکیه قوراللی کوچلری آلیب بارگن مشترک عملیات آرقه لی ملی سیها بیلن تاثیرسیز وضعیت گه کیلتیریلگندی.

  عراقده گی حکومت ایجاد ایتیش فعالیتلری تورکیه نینگ تروریزم گه قرشی کوره شی گه هم تاثیر قالدیریش ظرفیتی گه ایگه دیر. عراق حکومتی قوریلگن تقدیرده تورکیه نینگ عراق بیلن دیپلوماتیک اوچره شوولری بوییچه پی کاکاگه قره ته عملیاتلرنینگ کوپه ییشی ممکن. اینیقسه عراق مرکزی حکومتی نینگ پی کاکانینگ مادی منبع لریگه و سینجارده گی ساختاریگه قره ته حرکت گه اوتیشی اوچون تورکیه نینگ باسقیچ قیله جگی کوتیلماقده دیر.

سیاست، اقتصاد و جمعیت تدقیقات بنیادی یازووچی جا‌ن اجون نینگ موضوعگه دایر ملاحظه‌لرینی اعتبارینگیزگه تقدیم ایتدیک.



علاقه لی ینگی لیکلر