سوریه ده کیمیاوی هجوم آرقه لی قتل عام قیلیندی 15

تحلیل و تیکشیروو

سوریه ده کیمیاوی هجوم آرقه لی قتل عام قیلیندی 15

 

سوریه ده کیمیاوی هجوم آرقه لی قتل عام

سوريه‌ نینگ پایتختی دمشقده شرقي غوطه نینگ دُمه حدودیده  ینگی بیر کیمیاوي هجوم  عملگه آشیردی و  هجوم دنیا مطبوعاتیده  انعکاس ایتدی. هجومده افسوسکی کوپچیلیگی عیال و باله‌لردن تشکیل تاپگن تینچ اهالی هلاک بولدی. دستلبکی تیکشیروو‌لرگه کوره‌ هجومده اعصاب گازی قوللنگنیگه دایر  اشاره‌لر   موجود. 

اوروشده باشدن بیری مخالفلر نینگ قولیده بولگن شرقي غوطه حدودی حکومت نینگ آخرگی اساسي  بیر مقصدی ایدی. آیلردیر منطقه‌ جوده‌  شدّتلی روشده  بمباردمان قیلینر ایکن، منطقه‌ده‌گی شفاخانه‌، مکتب مسجد  کبی  ناحربي عنصرلر تیز- تیز نشان آلینماقده ایدی.

سیاست، اقتصاد و جمعیت تدقیقات بنیادی یازووچی جا‌ن اجون نینگ موضوعگه دایر ملاحظه‌لرینی اعتبارینگیزگه تقدیم ایته‌میز.

پایتخت دمشقده‌گی جیوگرافک وضعیتی طفیلی حکومتنی  توغریدن تهدید ایتگن ستراتیژیک وضعیتگه ایگه‌ شرقي غوطه حدودینی نظارتگه آلیش و مخالفلرنی  بو ییردن تازه‌لش حکومت جهتیدن  کتّه‌ اهمیت کسب ایتماقده ایدی. اوروش نینگ باشیدن بیری 7 ییلدیر قورشاو آستیده‌گی شرقي غوطه حدودی، آخرگی  پیتلرده تورکيه و روسیه بیلن کیلیشووگه باریب آستانه‌ جریانی دایره‌سیده صلح حدودلری قطاریده ا‌ورین آلماقده ایدی. فقط حکومت و حکومتنی حمایه‌ قیلگن روسیه و ایران حدودده‌گی ترور تشکیلاتلرینی بهانه‌ قیلیب منطقه‌نی نشان آلیشگه باشله‌گن ایدی.

آغیر بمباردمانلر نینگ آرتیدن منطقه‌ده‌گی مخالفلر هم آخرگی دورده روسیه‌ نینگ واسطه‌چیلیگی بیلن تسلیم بولیشگه و سوريه‌ نینگ شِمالیده‌گی مخالفلر هم آخرگی  پیتلرده  تورکيه‌ نینگ  نفوذ  ساحه‌لریگه قره‌ب تخلیه‌ قیلینه باشله‌گن ایدی. 

تورکيه جریانی بیلن  علاقه‌لی غوطه ده‌گی دُمه حدودی  جیس الاسلام نظارتیده قالگن ایدی. جیس الاسلام بیلن حکومت اورته‌سیده‌گی اوچره‌شوولرده روسیه واسطه‌چی ایدی.

روسیه بیلن باریلگن  کیلیشووده،  جیس الاسلام منطقه‌سیده‌گی موجوديتینی تأمین ایتردی.

فقط اوشبو بیتیم اسد حکومتی تامانیدن قبول  قیلینمه‌دی. جیس الاسلام دُمه‌دن تخلیه‌سینی رد ایتیشی طفیلی اوچره‌شوولر توخته‌ب قالگن ایدی. اوشبو جریان اثناسیده، دُمه‌گه  قره‌ته‌‌ کیمیاوي قورال هجومی اویوشتیریلدی. کیمیاوي قورال هجومی بیلن انچه آدم حیاتدن کوز یومدی.

جیس الاسلام کیمیاوي قورال هجومیدن  کیین دُمه‌دن سوريه‌ نینگ شِمالیگه قره‌ب تخلیه‌  قیلیشی مسأله‌سینی قبول ایتیش مجبوريتیده قالدی. بیر تاماندن دُمه‌ده قالیشگه قطعيلیک کورسه‌تگنلر نینگ  بدلی کیمیاوي قورال هجومی بیلن  اورته‌گه چیقدی.  باشقه‌ تاماندن کیمیاوي قورال هجومیدن سونگره‌ تینچ اهالیده‌گی قورقوو و قیغونینگ آرتیشی طفیلی، جیس الاسلام تینچ اهالی نینگ طلبلری جهتیده تخلیه‌ اوچون کیلیشووگه باردی.

کیمیاوی قورال هجومی بیلن علاقه‌لی اسد حکومتی  دمشق مرکزی نینگ  توبیده‌گی سوريه‌لیک مخالفلر اساسي حربي مرکزینی تخلیه‌ قیلدی.

تخلیه‌ بیتیمی  عملگه آشیرگن تقدیرده، دُمه‌نی  قولگه کیریتیشگه قره‌ته‌‌ حربي بیر عملیات‌  محاسبه سی جوده‌  هم یوقاری  سویه‌ده بولر‌دی. دُمه حدودیده جیس الاسلام اوزاق مدتدیر  حربي ترماقلر  انشا  ایتگن، قورال انبارلریده جوده‌ کوپ سانده اوق –دارو و  آغیر قوراللر  موجود. بوندن تشقری  سوريه‌لیک مخالفلر اورته‌سیده جیس الاسلام حربي صلاحیتی بیلن هم  بیلینماقده ایدی.

عموماً سابق عسکرلردن تشکیل تاپگن جیس الاسلام، دُمه‌ده قورشاو آستیده‌گی مدافعه‌سی ایسه حکومت اوچون کتّه‌ کلفت بولردی.

چنانچی دُمه‌گه اوخشه‌ش دره‌یّا شهرنی قولگه کیریتیش اوچون اسد حکومتی آیلر دوام ایتگن عملیات‌گه کتّه‌ مبلغ صرفله‌گن ایدی. اسد حکومتی عملگه آشیرگن  و ادعا قیلینگن کیمیاوي هجوم بیلن علاقه‌لی  کتّه‌ مبلغلردن  قوتولگن  تیز و آسان بیر نتیجه‌ قولگه کیریتگندیر. 

کیمیاوي قورال قوللنیش  مسأله‌سی انساني قدریتلرگه ضد بیر میتود بولسه هم، آخرگی هجوم حکومت جهتیدن کتّه‌ بیر فرصت  معناسیگه کیلماقده.

اسد حکومتی کیمیاوي قورال قوللنیشی کلفتی خلق‌ارا بیر ناراضیلیککه سبب بولمه‌گن تقدیرده، حکومتی جهتیدن اینگ  آز تن نرخ بیلن بیر ییچیم یولی ایدی. 

اوروش باشله‌گندن بیری 215 مراتبه کیمیاوي قورال قوللنگن اسد حکومتی، خلق‌ارا جمعیت نینگ اعتبارسیزلیگینی نظرده توتیب تکرار کیمیاوي قورالگه مراجعت قیلگنی ادعا قیلینماقده ایدی. بوندن تشقری  دیپلوماتیک  معناده بیرلشگن ملتلر خوفسیزلیک کینگشیده‌گی روسیه حمایه‌سیگه ایشانگن حکومت، حربي معناده هم روسیه تامانیدن  شرطسیز روشده حمایه‌ قیلینگنینی حسابگه آلیب بو یولگه مراجعت قیلیشی ممکن ایدی. انساني قدریتلرنی بیر تامانگه قوییب و خلق ‌ارا جمعیت اعتبارسیز قالگن بیر شرایطده، اسد حکومتی جهتیدن دُمه اوچون اینگ یخشی ییچیم یولی  کیمیاوي قورال هجومی ایکنینی ایتیش ممکن.

سیاست، اقتصاد و جمعیت تدقیقات بنیادی یازووچی جا‌ن اجون نینگ موضوعگه دایر ملاحظه‌لرینی اعتبارینگیزگه تقدیم ایتدیک.

 


لیبل: تحلیل

علاقه لی ینگی لیکلر