اورته شرقدن افریقاگچه: سعودی عربستان – ایران رقابتی

تحلیل و تیکشیروو

اورته شرقدن افریقاگچه: سعودی عربستان – ایران رقابتی

اورته شرقدن افریقاگچه: سعودی عربستان – ایران رقابتی

سعودی عربستان بیلن ایران اورته سیده گی رقابت اورته شرق دن افریقاگچه بارماقده.  بیز هم پروگرامده بو رقابتنی و منطقه ده گی انعکاس لرینی تیکیشیریب چیقه میز.

منه ایندی شو توغریده آتاترک عالی بیلیم یورتی خلق ارا علاقه لر بولیمی اسیستانت لریدن دوکتور جمیل دوغاچ ایپک نینگ یازووینی تقدیم ایته میز.

یقین ویا اوزاق محیطده نیمه یوز بیریب تورگن بولسه، اورته شرق بیلن بیر مناسبتی باردیر. اولاً فلسطین مسئله سی، لبنان ایچکی اوروشی، آرتیدن أفغانستان، عراق – ایران حربی، اوندن کیین عراق نینگ اشغال ایتیلیشی و عرب بهاری بیلن یمن و سوریه مسئله لری پی در پی تصویرلنماقده. خودی شو بیلن دنیانینگ اورته شرق بیلن مناسبتلری بولگن ایریم جغرافیه لریده هم معمالرگه یوزه گه چیقماقده. هندستان بیلن پاکستان نینگ جدا بولیشی آرقه سیدن کشمیر بحرانی، غربی صحرا، فلپین، اریتره، قفقازیاده گی جمهوریتلرنینگ ایرکین لیک حرکتلری، سودان نینگ ایککی گه ایریلیشی و افریقاده گی عسکری و سیاسی ساختارلر و بونگه اوخشش حادثه لرنی بو شکلده تیکشیریب چیقیش ممکن.

صحرائی افریقا و اینیقسه نجریا سونگی پیتلرده سعودی عربستان – ایران رقابتی نینگ میدانلریدن بیرته سی دیر. بو رقابت نینگ اساسی سببلریدن بیرته سی دیب، نجریا قاله ویرسه صحرائی افریقانینگ مهم اولکه لریده شیعی نفوسی نینگ گیومتریک بیر شکلده آرتیب کیتیشینی کورستیش ممکن. نجریا، صحرائی افریقا کبی دنیا اوچون هم جوده مهم دیر. نجریا امریکا قوشمه ایالتلری نینگ مهم نفت تداریکاتچیلریدن بیرته سی بولیب، افریقانینگ مهم درجه ده مسلمان نفوسی ایگه اولکه لردن بیرذته سی دیر.

نجریاده شعی نفوس نینگ کوپه ییب کیتیشی بیر حقیقت دیر. باشقه تاماندن عنعنوی اوله راق غربی صحرا افریقاده سگالدن کینیاگچه بارگن بیر گذرگاهده صوفی اسلام مفکوره سی نینگ موجودیتی هم دقت ترتماقده.

1980 – ییلیدن کیین تقریباً افریقانینگ هر اولکه سیده ایران تامانیدن حمایه بولگن فکری ترقه توو سیاستلری نینگ بیر نتیجه سی اوله راق شیعه اقلیت لر پیدا بولیش گه باشله ندی. نجریا قاله ویرسه صحرائی اولکه لر 1980 – ییلیدن کیین ایران نینگ فکری پروگراملر الیش نقطه سیگه ایلندی.

نجریانینگ هم سعودی عربستان همده ایران نینگ سیاستیده جای آلیشی ایسه تخنیکی بیر آدیم دیر. ایران؛ سعودی عربستان بیلن مصرنینگ افریقا مسلمانلری اوستیده گی تاثیرلی موجودیتینی اوز اجنداسی چوکاتیده ضعیف قیلماقچی. اوزینی کوچلی قیلیش اوچون کمیده محلی شیعه اقلیتلرنی یراتیش و موجود بولگنلرنی کوچلی قیلیش یولینی تنله گن.

ایران؛ امریکا قوشمه ایالتلری بیلن سعودی عربستان قرشی سیده کورینیشده هم بولسه یخشی مناسبت قوریه دیگن اولکه سانینی کوپه یتیرماقچی. 2010 – ییلی تهرانده اویوشتیریلگن ایران – افریقا جلسه سینی هم بو چوکاتده بهالندیریش ممکن. لیکن برچه سعی – حرکتلریگه قره مه ی افریقا اولکه لری اوستیگه اولاً امریکا قوشمه ایالتلری نینگ آرتیدن سعودی عربستان نینگ تاثیری بولگنی ایران نینگ آسان بیر شکلده حرکت قیلیشی گه مانع بوله دی. ایران بو نقطه ده شیعه نفوسینی منطقه اداره لری آلدیده بیر باسیم عنصری اوله راق استفاده ایتماقچی بولیشی قیزیقرلی ایمس دیر. بیراق سعودی عربستان نینگ ایراننی منطقه ده یکه قوییشینی توشینیش هم ممکن ایمس. یقین دورده ریاض نینگ تشقی ایشلر وزیری عادل الجُبیر نینگ منطقه نی اینلیب دیپلوماتیک فعالیت آلیب باریشی هم بوگونکی کورفز کیلیشمس لیک کبی معمالرنینگ انعکاس قیلیشی گه مانع بولیش توغریسیده بهالندیریش ممکن.

در نهایت افریقانینگ سعودی عربستان اوچون اهمیتی قیزیل دینگیزنینگ امنیتی بیلن هم ارتباطی بار. سعودی عربستان نینگ ایران بیلن کیرگن رقابتی نینگ نتیجه و انعکاس لری فقط منطقه گه ایمس منطقه بیلن مناسبتی بولگن ایریم منطقه لرگه هم تاثیر قالدیرماقده. رقابت ساحه سی کورفزدن چیقیب افریقانینگ صحراسیگچه باره دی. نجریانینگ باشقه تاماندن اسرائیل بیلن یقین مناسبتلر ایچیده بولیب همجهت لیگینی آرتتیرماقچی بولیشی و مهم بیر اقتصادی همکار اوله راق قبول قیلیشی هم مهم گپ دیر.

قره گنده، سعودی عربستان بیلن ایران نینگ وکالت اوروشلری فقط منطقه گه ایمس وکالت بیریلگن برچه منطقه لرگه تاثیر قالدیره دی. بنا سعودی عربستان بیلن ایران رقابتی نینگ بوندن گیینگی آدرسی صحرائی افریقا بولیشی قوی بیر احتمال دیر.

صحزائی افریقاده یوز بیرگنلرنینگ اورته شرقده یوز بیرگنلر بیلن فکری، آیدولوژیک، اقتصادی و حتی سوسیولوژیک مناسبتی بار. بو دایره ده صحرائی افریقاده هم منطقه نی همده اورته شرقنی اوزاق مدتلی اوله راق تاثیر آستیگه آله دی ینگی ساختارلرنینگ ایجاد ایتیلیشی گه شاهد بوله میز. عموماً بو ساختارلرنی دقتلی کوزلر آرقه لی کوریب راپورلنگنینینی هم ایتیش کیره ک. بو معناده اینیقسه تورکیه نینگ هم اورته شرقده همده صحرائی افریقا بیلن تیگیلشی قیسقه و اوزاق مدتلی سیاست پلانلرینی ریجه له گینچه بو مسئله لرگه توجه قیلیش کیره ک.   



علاقه لی ینگی لیکلر