انسان نینگ انتحار قیلیشی

تحلیل و تیکشیروو

انسان نینگ انتحار قیلیشی

انسان نینگ انتحار قیلیشی

بیرلشگن ملتلر تشکیلاتی نینگ آزیق-طعام و چارواچیلیک تشکیلاتی (FAO) و جهان آزیق-طعام دستوری (WFP) نینگ 2016 راپوریگه کوره‌، دنیا اهالیسی نینگ  11 فایزی طعاملنیش و آچلیک حدود‌یده یشه یدی. یعنی تخمیناً 800 میلیون انسان آچلیک بیلن دوچ کیلماقده. کیلگوسی آیلرده 2017 نینگ رقملری چاپ ایتیله ‌دی. امید قیله ‌من که بو رقمده  کوزگه کوریله‌ دیگن  بیر نسبتده پسه ‌ییش یوز بیره دی.

یعنی  بیرلشگن ملتلر تشکیلاتی نینگ  راپوریگه کوره‌، ییر یوزیده یشه گن هر بیش نفردن بیراوی  یخشی باشقریلمه‌گن  و  بحرانلر هر لحظه‌ گروگه آله ‌دیگن اولکه‌ لرده یشه یدی.

اوزگرگن اقلیم شرطلری طفیلی یوز بیرگن طبيعي آفتلر و ینگی قورغاقچیلیک تولقینلری، بو رقمنی آرتتیریشیدن قیغوگه سبب سالماقده.

 اوشبو قورقینچ وضعیت بیلن بیر قطارده حاضر یوزلب میلیار دالر صرفلنگن باشقه‌ بیر وضعیتگه قره‌یلیک:

اوتگن آیلرده بیر لحظه‌ ده سعودی عربستان بیلن قطر اورته ‌سیده بیر بحران یوز بیردی.

منطقه‌ اولکه ‌لریگه هر تورلی یامان حرکتلرنی یاییشگه حرکت قیلگن بیرلشگن عرب امیرلیکلری هم اوشبو بحران نینگ سببچیلریدن ایدی. یوز بیرگن بحراندن 10 کون کیین سعودی عربستان امریکا قوشمه ایالتلری بیلن تخمیناً  110 میلیارد دالر اطرافیده ینگی قورال ساتیب آلیش بیتیمیگه امضا قویگنینی  معلوم قیلدی.

سعودی عربستاندن بیر مدت کیین، بحران نینگ قرشی تامانی بولگن قطر هم امریکا قوشمه ایالتلری بیلن 11 میلیارد دالرلیک قورال ساتیب آلیش بیتیمی امضاله‌دی. بحرانگه طرف بولگن باشقه‌ کیچیک اولکه‌لر هم 200 میلیارد دالر اطرافیده بیر قورال سوداسی عملگه آشیردی.

شونده‌ی قیلیب اورته‌گه چیققن بحران نینگ قتّيق شمالی توختب قالدی و حالی حاضر گویا هیچ بیر نرسه‌ بولمه‌گن کبی همه‌ اوز حیاتیگه دوام ایتماقده.

جهان، کورفز بحرانی نینگ تأثیریدن قوتولدی دیگن بیر لحظه‌ده، شمالي  کوریا باشقرووی نینگ ینگی صافیستیکی بالیستیک و قطعه ‌لر آره‌ راکت ‌لرنی سینه ‌گنیگه دایر خبرلر خلق ‌ارا آژانسلرده جای آلیشگه باشله‌ دی.

اوباما دوری نینگ آخرلریده باشله‌گن « کوریا بحرانی» بیر لحظه‌ده اوز اوجیگه ییتدی.

بو اولکه‌ نینگ رهبری کیم جانگ اون بیلن علاقه‌لی ینگی خبرلر یاییلیشگه باشله ‌دی.

چاپ ایتیلگن خبرلر نینگ برچه‌ سیده شونده‌ی تحلیل قیلیندی: قچان نیمه‌ قیلیشی معلوم بولمه‌گن، پارتلشگه تیار وضعیتده‌گی بیر نارنجک کبی  دیب کورسه ‌تیلدی. هر کون ینگی بالیستیک راکت‌ سینه‌ ماقده.  ینگی بلا‌غت    ایریشگن بیر سیاسي شخص دییه کورسه‌تیلدی.

اوشبو شخص فقط ‌گینه  اطرافیده‌گی اولکه ‌لرگه ایمس بوتون دنیا اوچون بیر خطر‌ تشکیل ایتگن توشونچه‌ حاکم  ایدی. کیم جانگ اون هر هفته‌ ینگی مودل راکت‌ سینه ‌یاتگن  خبرلر کیله باشله‌ دی. مینگلب کیلومتر مصافه ‌ده‌گی گوام آرالینی راکت‌ بیلن اوریشی، جاپان هوا سیستمینی تیشیب بو اولکه‌ آرقه‌لی اتوم بومبه ‌سی اوزه ‌دیگن راکت‌لر سینه‌گنی کبی سناقسیز خبرلر بیز لحظه‌ده بیر ژورنالیستلرنینگ چوکیسیده ییغیلیشگه باشله‌دی.

آرتیدن شمالي کوریا راکت‌ تهدیدی آستیده بولگن اولکه‌لر اوزلرینی حمایه‌ قیلیش اوچون ینگی مدافعه‌ سیستم‌لری اوچون اون میلیارد دالرلیک بیتیملر امضالندی دییه خبرلر کیلدی.

مَثل نینگ قیزیق تامانی، امریکالیکلر جاپان‌ گه قوریب بیرگن مشهور THAAD هوا مدافعه‌ سیستمی کیم جانگ نینگ راکت‌لرینی تأثیرسیز حالگه کیلتیریشنی بیر تامانگه قویینگ رادارنی انیقله آلمه‌گنی معلوم بولدی. بونگه قرشی، ینگی هوا مدافعه‌ سیستم‌لری اوچره‌شوولری کون ترتیبیگه کیلدی. آسیا تینچ اقیانوس نینگ بو حدودیده یوز بیرگن بحران یوز میلیارد دالر قورال ساتیشیگه سبب بولدی. فقط‌گینه بو نینگ بیلن چیکلنیب قالسه ایدی یخشی  بولردی. آسیا تینچ اقیانوسده 300 مینگ اطرافیده حربي خدمتچیسی بولگن امریکا قوشمه ایالتلری، بو ییرده‌گی حربي مرکزلرینی و کوچلرینی هم  مستحکملشگه حرکت قیلدی.

امریکا قوشمه‌ ایالتلری 9- جنگاور قوماندانلیکلریدن بیراو هم تینچ اقیانوس کوچلری قوماندانلیگی (PACOM)دیر. مرکزی ها‌وای‌یده بولگن اوشبو قوماندانلیک، پنتاگان بودجه سیدن اینگ کتّه‌ اولوشگه  ایگه‌. بو قوماندانلیک نینگ اینگ کتّه‌ خصوصیتی ایسه آغیر جهازلنگن جنگی بیرلیک بولیشیدیر.

PACOM نینگ 375 مینگ حربي عسکری، 200 حربي کیمه‌ سی، دینگیز آستی و مینگته حربي اوچاقی موجود. شمالي کوریا بحرانیدن آلدین امریکا قوشمه ایالتلری نینگ سابق جمهور رئیسی بارک اوباما، اوشبو قوشیننی، چیننی اوره‌ب آلیش اوچون تکنالوژي‌ و اوق دارو انباری حالیگه کیلتیردی.

لیکن چین، امریکا قوشمه ایالتلری نینگ اوشبو توزاغیگه  توشیب حربي اوق دارو انباری حالیگه کیلتیرمه‌ دی.

امریکا قوشمه ایالتلری بیلن اقتصادي ساحه‌ده رقابتینی  دوام ایتتیریش نینگ اینگ مهم‌ ترماقلریدن بیری بولگن ایپک یولینی رئالیزه ایتیش اوچون فعالیتلرینی توختاووسیز دوام ایتتیرماقده.

امریکا قوشمه ایالتلری آخرگی تکنالوژي‌ محصولاتی بولگن 5- نسل ایف- 35 اوچاقلرینی جاپان، خاکی رنگ بورگوت  صفتیده اته‌ گن قورالسیز هوا واسطه‌لرینی هم بو قوماندانلیک نینگ بویوریغیگه بیریب جنوبي کوریا‌گه جایلشتیردی. اتوم قابلیتلی دینگیز آستلری بیلن بیر قطارده  5- نسل جنگاور اوچاقلردن بولگن ایف- 22 رپتورلرنی بو حدودگه یوباردی.

علیحده‌ 75 مینگ عسکرینی هم جاپان و جنوبي کوریا‌گه جایلشتیردی.

سونگره‌ نیمه‌ روی بیردی؟ ایراندن هندستانگه، تینچ اقیانوسده‌گی کیچیک- کیچیک آرال دولتلریگه سانسیز اولکه‌، امریکا قوشمه ایالتلری و روس  قورال شرکتلری نینگ ایشیگینی اوریب کوردی. ینه‌ یوز میلیاردلرچه دالرلیک قورال ساتیش بیتیمی امضالندی.

جهانده اوتگن ییل  لوکس خرجت قیلگن پول مقداری  1.1 تریلیون دالر اطرافیده. هر ییل دنیاگه اهالی نینگ برچه ‌سی آزیقلنه ‌دیگن  قدَر آزیق- طعام  ایشلب چیقریلماقده. افسوس کی بو آزیق طعام نینگ کتّه‌ قِسمی  اسراف ایتیلیب  کثافتگه تشلنماقده. 1.3 میلیارد تُن‌ هم مالیوي تخنیکي چیگره ‌لر و آزیق- طعام چاره‌- تدبیرلری آلیش یوق حسابلنماقده. فقط‌گینه امریکا قوشمه ایالتلریده کثافت گه تشلنگن آزیق- طعام مقداری 22 میلیون تُن‌. اوشبو مقدار، برچه‌ افریقانی تویدیره ‌دیگن  درجه‌ده.

باشقه‌ تاماندن طبیعت نی آزون قتلمینی بوزه‌ دیگن کوزمیتیک محصولاتلرنی بیرگن میلیاردلب دالرلرنی اونوتمسلیگیمیز کیره‌ک. بو ییل کوریا  و کورفز بحرانی بهانه‌سی بیلن قوراللرگه کیریتیلگن پول  مقداری  آچلیک بیلن دچار بولگن اولکه ‌لر و انسانلر 10 ییل آزیقلشیگه  ییترلی ایدی.

آزیق طعام یاردم متخصصلری، طبيعي آفتلر یاکه اقلیم اوزگریشیدن آلدین گمان قیله‌ من بیز  انسانلر اوزیمیزنینگ سونگیزمیز حاضرله‌ماقده‌ میز.



علاقه لی ینگی لیکلر