قاتل نینگ برماق ایزی

تحلیل تیکشیروو

قاتل نینگ برماق ایزی

قاتل نینگ برماق ایزی

امریکا قوشمه ایالتلری ایسکی دولت باشلیغی بارک اوباما، مقامینی ترک ایتیشی گه بیر نیچه آی قالگنده اروپانینگ شمالی و بالقانلرنینگ غرب تامانیده جوده قیزیق سیاسی و عسکری بحرانلر یوز بیردی.

خودی شو موضوع بیلن تیگیشلی اوله راق ییلدیریم بیاضید عالی بیلیم یورتی تاریخ بولیمی استادلریدن ایردال شیمشک نینگ یازووینی تقدیم ایته میز.

آنیدن روسلرنینگ اوروش و کشفی اوچاقلری نینگ ناتو اعضاسی شمالی اروپا اولکه لری نینگ هوا ساحه سینی اخلال قیلگن لیگی اورته گه چیقدی. بو خبرلرنینگ آرتیدن، امریکا قوشمه ایالتلری و ناتو قتیق بیر شکلده دیپلوماتیک پیاملر ترقتدیلر. قیسه مدت کیین امریکا قوشمه ایالتلری، اروپاگه قورال سوقیاتینی اورته گه آتدی.

بو موضوع دوام ایتیب تورسین، روس اوچاقلری شرقی اروپا و بالقانلرده جایلشگن ناتو و اروپا بیرلیگی اعضاسی اولکه لرنینگ هوا ساحه سینی اخلال ایتگن خبرلری خلق ارا آژانسلر تامانیرن بیریلدی. لیکن بعضی بیر آژانسلرنینگ اوتمیشده شونقه ناتوغری خبرلر بیرگن لیگی اوچون بو خبرلرگه شبهه بیلن قره لدی. بیراق عین دمده دنیانینگ اینگ ایشانرلی خبر آژانسلری نینگ ایچیده اولویت گه تورگن تورکیه نینگ رسمی خبر آژانسی بولگن انادولو خبر آژانسی هم بو خبرلرنی مفصل بیر شکلده بیردی.

انادولو آژانسی نینگ بو خبری نینگ آرتیدن بالقانلرنینگ تکرار قورال دیپولریگه اینله دیگن لیگی بیلن تیگیشلی اوروش و خلق ارا مناسبتلر توغریسیده ایش قیلیب تورگن بیز ژورنالیستلر، هم عاموی مطبوعات ارگانلریگه همده گروپ مایل لریگه جدی تارتیشوولرگه قول اوردیک. بو تارتیشوولر نتیجه سیده بالقانلرنینگ و شرقی اروپانینگ تکرار قورال دیپوسیگه اینله دیگن فکری یراتیلدی.

همه میز 25 ییل لیک اوروش و خلق ارا علاقه لر توغریسیده خبرچیلیک تجربه سی بولگن بیزنینگ حقلی بولگنمیز معلوم بولدی. امریکا قوشمه ایالتلری، شرقی اروپاگه مینگ لب تُن قورال، مهمات و اوروس واسطه لری ییغیشتیردی.

بو قورال ییغیش حادثه سی نینگ آرتیدن روسیه اوچاقلری نینگ هم فرانسه همده بیرلشگن قرال لیک نینگ هوا ساحه سینی اخلال قیلگن لیگی خبرلری نشر قیلیندی.

انگلستان کوپ قتتیق عکس العمل کورستدی. تیزلیکده دینگیز و هوائی کوچلریگه "مانع بولووچی تدبیر" آلیش امری بیردی. آیلردن بیری انگلیس دینگیز و هوائی کوچلری اولکه نینگ هم دینگزی همده هوائی ساحه سینی محافظه ایتیش اوچون حاضر بولیب تورگن.

دنیا بو حادثه لر بیلن مصروف حالده ایکن، امریکا قوشمه ایالتلری حربی کیمه لری نینگ چین سوو ساحه سینی، چین حربی کیمه لری جاپان سوو ساحه سینی جاپان حربی کیمه لری چین و روس دینگیز ساحه لرینی اخلال قیلگن لیگی بیلن تیگیشلی خبرلر کیلدی. اوشبو اولکه لر اینگ مدرن قورال و تجهیزاتگه ایگه کیمه لرینی چین دینگیزی، جاپان دینگیزیگه جونتدی. روسلر، چین و جاپان بین حدودی بولگن سوو حدودینی خوفسیزلیگینی تآمین ایتیش اوچون بیر قطار تدبیرلر آلدی. خودی شو باسقیچده روس حربی اوچاقلری ترکیه قاله ویرسه قاره دینگیزگه چیگره سی بولگن اولکه لرنینگ هوا ساحه سینی اخلال قیلیب باشله دی. روسیه حدودینی اخلال قیلگن اولکه لرنینگ همه سی ناتو اعضاسی و عین دمده امریکا قوشمه ایالتلری بیلن اتفاقداش بولیشی دقت ترتماقده ایدی. روسلرنینگ قاره دینگیزده گی بو حرکت لریگه قرشی امریکا قاره دینگیزده گی حربی کوچینی کوپراق قیلووچی تدبیرلر آلدی. ناتو تورکیه توپراقلری اوستیده روسیه گه قرشی بیر قونلغه ایجاد ایتیشنی تکلیف قیلدی. شکرکه ترکیه نینگ رهبری رجب طیب ایردوغان بو تکلیف نی قبول قیلمه دی. بولمسه ترکیه بو اویین نینگ بیر پارچه سی بولیشی ممکن ایدی.

آرتیدن شمالی کوریانینگ هیته ئی قورال سینشلری و امریکانینگ کوریا دینگیزیده عسکری سوقیاتی دوام ایتدی.

کیین فلپین، میانمار بوغازی، هند-پاکستان حادثه سی بیلن هند اقیانوسی آنیدن قیزیشیب کیتدی. منطقه عسکرلری عاجل وضعیت گه کیلتیریلدی.

بو عاجل وضعیت خرجت لری اولکه لرنینگ بودجه سیگه کتته یوک بولیب بارماقده.

بو حادثه لر جریانیده شرق تامانی نینگ ییقیلیشیدن آلدینگی وضعیت نمایان بولدی.

او دورنینگ امریکا قوشمه ایالتلری دولت باشلیغی ریگن بیلن سویتلر بیرلیگی باشلیغی بیرجین اوف نا معقول "یولدوزلر حربی" پروژه سی نمایان بولدی.

ایشچی تاوانی صندوقلری و موسسه لری بیر قطار قیین چیلیکلرگه قرشی کوره شماقده ایدی. بو تاوانی صندوق لرنینگ ایش تشلش حرکتلری غرب نینگ ایککی کوچلی دولتی امریکا قوشمه ایالتلری و انگلستان بیلن کومنیست تامان نینگ مهم اولکه سی بولگن پولندده ایش تشلش حادثه لری باشلندی.

همکارلیک صندوقی باشلیغی لیچ والس تامانیدن باشله تیلگن ایش تشلش حادثه سی بیلن افغانستان ده گی مغلوبیت روسیه ده گی کمونیست تیزیمینی چوکیشی گه باعث بولدی.

انگلستان باش وزیری دیمیر لیدی لقبلی مارگارت تاچر بیلن امریکا قوشمه ایالتلری دولت باشلیغی ریگن اردونی آرقه لریگه آلیب ایش تشلش حادثه سینی برطرف قیلیش حرکتی گه قول اوردیلر. شو بیلن 1947 ییل ده گی تولید مدلی برطرف ایتیلیب تکنالوژی دوری حاکم بولگن تولید شکلی گه اوتیلگن ایدی.

ایندی ایسه دنیاده سرمایه دارلیک یمان درجه گه قره ب باردی. جاپان، امریکا و اروپا سرمایه سیگه قرشی چین، روس، کوریا و حتی حدودینی آشیب کیتگن ترک سرمایه دارلیگی ایجاد بولدی.

امریکا و اروپا بیرلیگی دولت اقتصادلری افلاس قیلیش وضعیت گه کیلگن. امریکا قوشمه ایالتلری نینگ اداره قرض لری تقریباً 20 تریلیون دیر. اروپا بیرلیگی اعضاسی اولکه لر آلماندن تشقری کوپراغی یا افلاس قیلگن ویا افلاس گه یقین بولگن.

ینگی تولید و مصرف قیلووچی اداره سیگه اوتیش قان توکمه ی بولسین دیب امید قیله من. بولمسه قاتل نینگ برماق ایزی حادثه دن آلدین معلوم بوله دی     

 



علاقه لی ینگی لیکلر