امریکا قوشمه ایالتلری دموکراسیسی نیمه اوچون اولدیرماقده؟

تحلیل تیکشیروو

امریکا قوشمه ایالتلری دموکراسیسی نیمه اوچون اولدیرماقده؟

امریکا قوشمه ایالتلری دموکراسیسی نیمه اوچون اولدیرماقده؟

امریکا قوشمه‌ ایالتلری، 1991 ییلیدن بیری یقین شرق و بعضی افریقا اولکه‌ لریگه دموکراسی آلیب باریشگه حرکت قیلماقده. امریکا قوشمه ایالتلری نینگ دموکراسی صادراتیدن اینگ کوپ تأثیرلنگن اولکه‌ لر سومالی، افغانستان، عراق و سوريه.

        امریکا نینگ دموکراسی آلیب بارگن اولکه لرده تخمیناً 5 میلیون تینچ اهالی اولدیریلگنی تخمین ایتیلماقده. امریکا قوشمه ایالتلری، بو اولکه ‌لرگه دموکراسی آلیب بارمسدن آلدین، ایچکی اوروش یاکه  برادرنینگ برادرنی اولدیریشی کبی  بیر واقعه‌  دییرلی هیچ یوق ایدی. افغانستانده‌ گی طالبان و مجاهد حکومتی توقنه‌ شووی ایمس،  بوتونله‌ ی سیاسي بیر جنجل ایدی.

        سومالی، بحراندن قوتولیشگه حرکت قیلماقده ایدی. عراقده ترتیبلی بیر نظام بار ایدی. صدام نینگ اتوم ایمس حتا شیمياوي قورالی هم یوق ایدی. حال ‌بوکه  امریکا قوشمه ایالتلری، بو سببلر  بیلن عراقنی اشغال ایتگن ایدی و اشغالدن ییللر سونگره‌ ینه‌ امریکا قوشمه ایالتلری منبعلری، عراقده اتوم قورال یوق ایدی دیب اعتراف قیلدیلر.

        امریکا قوشمه ایالتلری، شریکی بولگن ترور تشکیلاتی YPG واسطه‌سی بیلن سوريه‌گه دموکراسی آلیب باریشگه حرکت قیلماقده. خواهله ‌سنگیز،  امریکا قوشمه ایالتلری نینگ دموکراسی آلیب باریشگه حرکت قیلگن سوريه‌گه بیر نظر تشله‌ یلیک:

        اوتگن کونلرده اجتماعي ترماقده 1 دقیقه‌ 17 ثانیه‌ لیک بیر ویدیو ترقه‌ تیلدی.

        ویدیو، سوريه‌ نینگ شمال حدودیده تصویرگه توشیریلگن. ویرانه بیر بنانینگ ایچیده قوللری آرقه‌گه باغلنگن بیر یاش زوره‌ کی کولیشگه حرکت قیلماقده و کرد تیلیده شونده‌ی دیماقده:

        التماس مینی اولدیرمنگ.

        حیات بیلن عالم آره ‌سیده‌ گی اینگ نازک چیزیق نینگ اورته ‌سیده تورگن  بو کرد یاشی، جوده‌ یومشق و شفقتلی بیر آواز بیلن و تبسم بیلن قوراللی تروریستلردن اوزینی اولدیرمسلیگی اوچون  التماس قیلماقده.

        کیلگوسی ییللرینی تبسم بیلن بیزه ‌تیب غصب ایتمس لیگینی التماس قیله ‌دی. بونده‌ی بیر شرطده  عموماً داد   و فریاد  قیلیشی کیره‌ک. ایکرا‌نده، قوللریده امریکا قوشمه ایالتلری اتفاقداشی  YPG  آرمی بولگن ایکّی کیشیدن ینه‌ سیمیزیراغی  کرد تیلیده  غضب  بیلن شونده‌ی جواب بیره‌ دی.

        بویوریقگه رعایه‌  قیلمه ‌دینگ. اوروشیمیزگه قتنه‌ شمه‌ دینگ. اوشبو حرکتینگ  بیلن کرد خلقیگه خیانت قیلدینگ. و خیانت نینگ جزاسی اولیم دیگندن کیین اوق اوزیب یوباره‌ دی. آرتیدن امریکا قوشمه ایالتلری اتفاقداشی بولگن باشقه‌ YPG تروریست اوق اوزه‌ دی.

        عمری نینگ غصب قیلیشینی ایسته ‌مه‌ گن  ناحربي  کرد ییگیت، قولی آرقه‌ ده باغلنگن حالده یوزینی  اوققه قرشی اوگیرمسدن توریب تبسم بیلن اوله ‌دی.

        امریکا قوشمه ایالتلری و برچه‌ اروپا اولکه‌لری تامانیدن اوجالان « تروریست» دیب قبول قیلینه‌ دی. حتا امریکا قوشمه ایالتلری، اوجالاننی قولگه آلیش اوچون ترکيه‌گه حتا یاردم بیرگن.

        امریکا قوشمه‌ ایالتلری اتفاقداشی بولگن ترور تشکیلاتی YPG،

        امریکا قوشمه ایالتلری اوزیگه بویین ایگمه‌گن کردلرنی اوی- جاییدن هَیده‌ب سورگونگه یوبارماقده.  ییرینی یورتینی ترک ایتمه‌ گن او 20 یاشیده‌ گی یاشلر ایسه  اولدیریلماقده.

        وظیفه‌ م طفیلی بیر نیچه‌ مراتبه بو ویدیونی تماشا‌ قیلدیم. اوروش و ترور موضوعسیده‌گی ژورنالیستلیک وظیفه‌م نینگ اینگ یامان  تامانی، باشقه ‌لری نینگ اولیمینی ایزلش  مجبوريتیده قالیشیم.

28 ییلدن  زیاد وظیفم بوییچه‌ حیاتگه بونده‌ی باغلنگن باشقه‌ ایکّی اولیمگه ینه‌ گواه بولدیم.

بیری 1994- ییلیده بوسني ده سیرب تروریستلر، دراجاچده بیر عیالنی باله ‌لری نینگ کوزی نینگ اونگیده اولدیرر ایکن، باشقه‌ سی ایسه 1999- ییلی نینگ آخرلریده باشله‌ گن 2 چیچین- روس اوروشیده گواه بولدیم. چیچینستان نینگ پایتختی گروزنیده ینه‌ قوچاغیده  باله‌ سی بیر چیچین عیالنی روس عسکرلری تامانی اولدیریلر ایکن گواه بولگن ایدیم. اوق بدنیگه تیگگن حالده تبسم قیلردی. بیر عمردن ینه‌ هم اوزاق ایکّی و اوچ ثانیه‌ ایدی.

 بوگون کونده‌ امریکا قوشمه ایالتلری نینگ شریکی بولگن ترور تشکیلاتی کوچیشگه مجبورله ‌گن کردلر سانی 700 مینگدن  آشگنی تخمین ایتیلماقده. کردلر نامیدن ترور و دهشت قیله ‌یاتگن YPG و PYD، جوده‌ عجیبدیر که توپلم  کرد اهالی سانی بیر میلیون اطرافیده بولگن سوريه‌ ده کردلری نینگ 700 مینگی سورگین قیلگن.

خوپ، PYD- YPG ترور تشکیلاتیدن قاچگن کورتدلر قَیسی اولکه‌گه باش‌ پناه‌ آلیب بارماقده بیله ‌سیز می؟ اروپا اتفاقی اعضاسی غربي اروپا اولکه ‌لری « کرد یورتداشلریگه باسیم قیله‌ دی « دیب ادعا قیلگن ترکيه ‌گه باش‌ پناه‌ کیلتیرماقده ‌لر. ترور تشکیلات YPG دن قاچیب ترکيه‌ گه باش‌ پناه‌ آلیب کیلگن  کرد قاچقین سانی 500 مینگ اطرافیده ایکنی تخمین ایتیلماقده.

ترکيه، اوزیگه باش‌ پناه‌ آلیب کیلگن اتنیک گروهلرنی تیکشیرمه‌گنی اوچون اوشبو سان نینگ  قنچه‌ ایکنینی  انیق تخمین ایتیش ممکن ایمس. فقط عراق نینگ شِمالیده‌گی بارزانی باشقروویگه باش‌ پناه‌ آلیب بارگن کرد قاچقین سانی 70 مینگ اطرافیده ایکنی معلوم  بولدی. بو وضعیتده، قالگن کردلر ترکيه‌گه باش ‌پناه‌ آلیب کیلگنی معلوم بولماقده.

کردلرنینگ سوريه‌ ده هیچ بیر زمان وطنداشلیک کیم لیکلری بولمه ‌گن. ترکيه جمهوریتی جمهور رئیسی ایردوغان، باش وزیر بولگن پیتده اسدگه قیلگن باسیملری نتیجه ‌سیده، سوريه ‌لیک کردلر، تاریخده ایلک مراتبه  وطنداشلیک کیم لیکلریگه ایگه‌ بوله‌ باشله‌ دیلر.

ایردوغاندن آلدین سوريه کردلری مینگلب ییللیک توپراقلریده « قاچقین» ستاتوسی ایدیلر.

سوريه ‌ده PYD- YPG ظلمیدن قاچگن کردلر، ترکيه‌ نینگ هر جاییده استقامت  قیله‌یاتگنلرینی  بیله‌سیزمی؟ عینِ زمانده ایسته‌گن هر سکتورده ایرکین روشده ایشله‌یدی یاکه ایش قوره آله ‌دیلر.

سوريه ‌ده‌گی دموکراتیک و  تینچ اهالی و کرد مخالف تشکیلاتلری نینگ مرکز دفترلری ترکيه‌ نینگ پایتختی انقره و استا‌نبولده جایلشگن. کرد مخالفلر نینگ   اروپا اتفاقی اعضاسی اولکه‌ لرده یشش امکانیتی یوق. اروپالیک پولیس‌ لرنینگ کوزی نینگ اونگیده پی کاکا – YPG لیکلرنینگ هجوملریگه   دچار بولماقده ‌لر. و او سیاسي کرد رهبرلر، شاشیلینچ روشده  ترکيه‌گه باش‌ پناه‌  آلیب کیله‌ دی. برچه‌ بولر کوزگه آلگنده عقلیمیزگه انه‌ شو سواللر کیله‌ دی: «امریکا نینگ  دموکراسیسی  نیمه‌گه‌ آدملرنی  اولدیرماقده؟»



علاقه لی ینگی لیکلر