ایردوغان – ترامپ اوچره شووی و اورته شرققه انعکاسی

سیاسی تحلیل و تیکشیروو

ایردوغان – ترامپ اوچره شووی و اورته شرققه انعکاسی

ایردوغان – ترامپ اوچره شووی و اورته شرققه انعکاسی

ترکیه جمهوریتی جمهور رئیسی رجب طیب ایردوغان قسقه مدت آلدین امریکا قوشمه ایالتلریگه رسمی بیر سفر اویوشتیردی و دولت باشلیغی دونالد ترامپ بیلن ملاقات قیلدی.

بیز هم موضوع بیلن تیگیشلی اوله راق آتاترک عالی بیلیم یورتی اسیستانت لریدن جمیل دوغاچ ایپک نینگ یازووینی تقدیم ایته میز.

ترکیه جمهور رئیسی ایردوغان؛ هندستان، روسیه و چین گه قیلگن رسمی سفری نینگ آرتیدن بو بار امریکا قوشمه ایالتلریگه رسمی سفر اویوشتیردی. شونده ی قیلیب ایردوغان – ترامپ ایلک بار یوزمه – یوز اوچره شگن بولدی. بو اوچره شوو ترکیه و منطقه دن خاص علاقه بیلن تعقیب قیلیندی. مطبوعات گه بولگن ایلک انعکاس مثبت ایدی.

ایککی رهبرنینگ هم بیاناتی گه قره گنده بحراندن اوزاق همکارلیک مطرح بولگن جمله لر کوریلماقده. ایککی رهبر اوچره شوونینگ اساسی موضوع لریدن بیرته سی بولگن امریکا قوشمه ایالتلری نینگ PYD/YPG گه همکارلیگی توغریسیده کیلیشالمه دیلر. بیراق ایریم موضوعلرده اوباما اداره سیگه کوره آلغه باریلدی.

قره گنده امریکا قوشمه ایالتلری پی کاکانی تروریست گروهی اوله راق تنیماقده لیکن پی کاکانینگ سوریه بولیمی بولگن PYD/YPG گه همکارلیک قیلیش گه دوام ایته دی و PYD/YPG گه سقیله قورال بیریشدن قول تارتمه یدی. امریکا قوشمه ایالتلری داعش گه قره ته رقه حرکاتینی PYD/YPG بیلن آلیب باریش اوچون قاطع دیر. امریکا قوشمه ایالتلری، PYD/YPG گه بیرگن قورال لری نینگ یالغیزگینه بو عملیاتلرده استفاده قیلرلیگی؛ رقه نینگ نجات تاپیشی بیلن PYD/YPG نینگ بو جای نینگ اداره سیگه اورین آلمس لیگینی؛ منطقه ده بیر پی کاکا گذرگاهی نینگ ایجاد ایتیلمس لیگی توغریسیده ترکیه گه ایشانچ بیردی. لیکن ترکیه منبیچ ده یشه گن تجربه لری باعث شبهه قیلماقده. موضوع بیلن تیگیشلی اوله راق جمهور رئیس ایردوغان؛ "بونی هردائیم ایته دیلر بیراق بیز عملگه قره ی میز؛ سوریه ده ایجاد ایتگن و ترورنینگ قولیدن تمیزله گن چیگره لریمیزگه قره ته بیر حمله یوز بیرگنده انگاجمان قاعده لرینی هیچ کیم گه سوره مه ی عملی قیله میز" دیدی. بو بیانات بیلن ترکیه گپ گه ایمس عملگه قره ی من دیب ایته دی. اصلی گه قره گنده امریکا قوشمه ایالتلری نینیگ PYD/YPG گه همکارلیک قیلیشی، امریکا قوشمه ایالتلری نینگ ترکیه مناسبتی، تروریزم گه قرشی کوره ش و سوریه نینگ کیلجگی توغریسیده ضد تورگن. بو کبی ینگلیش قرارلری باعث اورته شرق ده امریکا قوشمه ایالتلری مخالفتی کون سایین آرتیب بارماقده.

بوگون امریکا قوشمه ایالتلری قاله ویرسه غربی اداره چیلر و غرب میدیاسی پی کاکا بیلن PYD/YPG آره سیده خیالی اوله راق اجره تیش ایجاد ایتماقده لر. بیراق نیمه قیلسه لرهم PYD/YPG بیر ترور تشکیلاتی دیر و ترور تشکیلاتی پی کاکانینگ سوریه بولیمی دیر. بونی اثبات قیلووچی دلیل لر موجود. تقریباً 1 ییل آلدین امریکا قوشمه ایالتلری ایسکی مدافعه وزیری اشتون کارترگه (امریکا قوشمه ایالتلری کنگره سیده وظیفه نی قبول قیلیش پروگرامیده) PYD/YPG  نینگ پی کاکا بیلن متفق ویا جدی شکلده مناسبتی بولگن لیگی سوال قیلینگن ایدی. بو جواب گه اشتن کارتر "هه" دیب جواب بیرگن ایدی.

PYD/YPG پی کاکا نینگ سوریه بولیمی ایکن لیگی بیلن تیگیشلی اوتگن کونلرده امریکا قوشمه ایالتلریده گی مهم نشرات ارگانلریدن بولگن دی اتلانتیک ده بیر مقاله یایینلندی. 11 می کونی نشر قیلینگن بو مقاله نینگ یازووچیسی ایسه امریکا قوشمه ایالتلری نینگ ایسکی سوریه بویوک ایلچیسی روبرت فورد دیر. بو مقاله ده فورد، PYD نینگ 2003- ییلی قندیل تاغیده پی کاکا رهبرلیگی تامانیدن قوریلگن لیگینی اورغوله ماقده. پی کاکا، KCK ، PYD/YPG آره سیده گی مناسبت نی انیق دلیللر بیلن اورته گه چیقرماقده. وال ستریت ژورنال روزنامه سیگه بیانات بیرگن بیر PYD  لی نینگ بوندن آلدین پی کاکالی ایکن لیگینی ایتماقده.  فورد؛ اوباما و ترامپ اداره لری نینگ یقین پیت گچه PYD/YPG  بیلن پی کاکانینگ جدا گروه لر ایکن لیگینی ادعا قیلگن لیکلرینی یازماقده. نینگ PYD  سوریه نینگ شمالیده قولگه کیریته دیگن منطقه نینگ پی کاکانینگ ترکیه گه قره ته هجوم لری اوچون استراتیژیک بیر عمق یره ترلیگینی بیلدیرماقده. شمالی سوریه ده تربیه قیلینگن "جنگری" لرنینگ استانبول، انقره و بورساده هجوم لر عملگه آشیرگن لیگینی معلوم قیلماقده. امریکا قوشمه ایالتلری نینگ بیر ترور تشکیلاتی گه قره ته ایریم بیر ترور تشکیلاتینی حمایه قیلیشی بیلن سیاسی یانداشووینی ضررگه مواجع قیلگن لیگینی، بو سیاست نینگ تریریزم گه قرشی اوروش ده اعتمادینی قولدن بیریشی گه باعث بولرلیگینی ایتماقده. شونده ی قیلیب PYD  نینگ ادعا قیلینگن دیک دموکراتیک بولمه گن لیگینی ایریم کورد گروپ لرگه هم سیاسی حیات حقی بیرمه گن لیگینی یازماقده. امریکا قوشمه ایالتلری بو اخطارلرگه کیچ قالمه ی بها بیریشی کیره ک.

با وجود همه گپ بو اوچره شوونینگ انچه مثبت جهت لری هم بار. اولاً ترک – امریکا مناسبتی ده گی بیر مدتدن بیری دوام ایتیب تورگن معما برطرف بولدی. ایککی اولکه آره سیده گی بحرانی مناسبت تکرار نورمال بولیب قالدی. شونده ی بولیب ترکیه بیلن امریکا قوشمه ایالتلری آره سیده ینگی بیر دور باشلندی. ایندی ینگی دورده ایککی تامانلمه مناسبت استراتیژیک شریک لیک سویه سیگه باره دی می؟ بو سوالگه شو پیله انیق جواب بیریش قیین. بونی سیاسی و عسکری آدیم لر خصوصاً سوریه ده گی ینگی لیکلر تعیین قیله دی.   

  



علاقه لی ینگی لیکلر