انقره ده افغانستان وطنداشی بیر کیشی باشقه بیر افغانستانلیک نی پیچاقلب اولدیردی

تورکیه جمهوریتی پایتختی انقره نینگ کیچی اوران اولسواللیگیده افغانستان وطنداشی انصار یوسفی نی اولدیرگن افغانستانلیک اجمل امانی تورکیه نینگ ارزینجان ولایتیده اوشلندی. 

بیر عیال سببلی یوسفی بیلن امانی اوروشگن.  نتیجه ده اجمل امانی انصار یوسفی نی 25 جاییدن پیچاقلب اولدیرگن. کیین ایسه جسدی نی کمپل گه اوره ب بیر صندوق نینگ ایچی گه جایلشتیریب کیمسه نینگ بولمه گن بیر جای گه آلیب باریب تشله گن. 

کوچه ده ایسکی نرسه لر نی توپلب یورگن بیر کیشی صندوق نینگ ایچیده بیر جسد نی کورگچ پولیس گه خبر بیرگن. 

انقره ولایتی امنیه قوماندان لیگی نینگ سعی و حرکت لری نتیجه سیده حادثه دن 3 کون کیین یوسفی نینگ قاتلی ایکن لیگی اویلنگن امانی تورکیه نینگ ارزینجان ولایتیده اوشلندی. 

عینی دمده اجمل امانی نینگ ایران آرقه لی تورکیه گه مخدره مواد کیتیریب تورکیه ده گی افغانستانلیک لر گه ساتیاتگن لیگی هم انیقلَندی.