ننگرهار ولایتیده انتحاری هجوم اویوشتیریلدی

اوشبو حادثه عاقبتیده کوپلب کیشی جان بیردی و یره لندی

ننگرهار ولایتیده انتحاری هجوم اویوشتیریلدی

بوگون توشدن کیین ننگرهار ولایتی مومند دره اولسواللیگیده بیر انتحاری هجوم اویوشتیریلدی. 

ننگرهار والی لیگی سوزچیسی عطاالله خوگیانی اوشبو حادثه عاقبتیده 5 کیشی نینگ جان بیرگن لیگی و 30 نفر نینگ ایسه یره لنگن لیگی نی معلوم قیلدی.

ایریم منبع لر ایسه اوشبو حادثه عاقبتیده 20 کیشی نینگ جان بیرگن لیگی و 25 نفر نینگ یره لنگن لیگی نی بیلدیرماقده.   

انتحاری هجومچی نینگ اعتراض بیلدیریش اوچون مومند دره بیلن جلال آباد اورته سیده گی یولنی یاپیب قویگن ننگرهار ولایتی یشاوچی لرنینگ اورته سیده بیلی گه باغلب آلگن منفجره مواد نی پارتله تیب یوبارگن لیگی بیلدیریلدی. 

اوشبو معترض لر بلال پاچا اسمی گه ایگه بیر پولیس قوماندانی نینگ زوره وان لیگی گه قرشی اعتراض قیلماقده ایدی.

اوشبو حمله نینگ مسئولیتی نی ایسه حاضرچه هیچ بیر تامان اوز بوینی گه آلگن ایمس.   



علاقه لی ینگی لیکلر