افغانستان شمالیده طالبان قوماندانی نینگ قرارگاهی بمباران قیلیندی

اوشبو حادثه نتیجه سیده کوپلب جنگری جان بیردی و یره لندی

افغانستان شمالیده طالبان قوماندانی نینگ قرارگاهی بمباران قیلیندی

افغانستان شمالیده جایلشگن فاریاب ولایتی شیرین تگاب اولسواللیگیده طالبان قوماندانی قاری رحمت الله نینگ قرارگاهی بمباران قیلینیب تخریب ایتیلدی. 

اوشبو مطلب نی 209 نچی شاهین قول اردوسی بیلدیردی. 

خوددی شوو قول اردو بیرگن بیاناتیده, اوشبو هوائی عملیات نتیجه سیده 13 جنگری نینگ جان بیرگن لیگی 4 نفر نینگ ایسه یره دار بولگن لیگی نی معلوم قیلدی.

بیراق طالبان تامانیدن ایسه حاضرچه اوشبو خصوصده هیچ قنده ی بیر بیانات بیریلگن ایمس. 

ترور تشکیلات لری نینگ اوز فعالیت لری نی آرتیرگن لیگی سببلی سونگگی ییل لرده فاریاب ولایتیده امنیتی وضعیت نینگ یمان له شیب قالگن لیگی کورینماقده. 



علاقه لی ینگی لیکلر