اسرائیل ینه بیر فلسطین لیک نی شهید ایتدی

اسرائیل عسکر لری, غزه چیگره سیده امریکا قوشمه ایالت لری نینگ بیت المقدس نی اسرائیل پایتختی اوله راق تن آلیشی گه قرشی اویوشتیریلگن ناراضی چیلیک نمایشلری جریانیده بیر فلسطین لیک نی شهید ایترایکن, ایککی فلسطین لیک نی ایسه یره دار قیلیب قویدی. 

اسرائیل عسکر لری نمایشچی لر گه قرشی حقیقی و پلاستیک مرمی و کوز یاشی توکتروچی گاز دن استفتاده ایترایکن, فلسطین لیک نمایشچی لر ایسه تاش آتدی. 

غزه ده گی ساغلیق وزیرلیگی نینگ سوزلاوچیسی بیرگن تحریری بیاناتیده, اوشبو نمایش لر جریانیده اسرائیل عسکر لری نینگ اوق اوزیشی عاقبتیده 24 یاشیده گی یاش بیر فلسطین لیک نینگ شهید بولگن لیگی نی بیلدیردی. 

عینی دمده سوزلاوچی, خان یونس شهریده اویوشتیریلگن باشقه بیر ناراضی چیلیک نمایشی جریانیده اسرائیل عسکر لری نینگ ایککی فلسطین لیک نی یره دار قیلیب قویگن لیگی نی معلوم قیلدی.